வீடியோஸ்பதி

ஆயில்ஸ் வாழணும் நூறு ஆயுள்ஸ்

2011-01-04T18:14:00.001-08:00

நண்பனுக்கும்
சகோதரனுக்கும்
இடைப்பட்ட ஒர் உறவுக்கு,
பெயர் இருந்தால் அதை நான்
ஆயில்யன் என்றே அழைப்பேன்!

இனிய பிறந்த நாள் நல்வாழ்த்துக்கள் ஆயில்யன்

அன்புடன்,
கானா பிரபா

எமது பாசமிகு உடன்பிறப்பு, ட்விட்டர் டெரர், ஜீமெயில் கண்டெடுத்த முத்து, # என்று தொழில்நுட்பத்துக்கே சவாலாக விளங்கும்சின்னப்பாண்டி என்று செல்லமாக மயிலாடுதுறை பெரிசு முதல் கட்டார் சேட்டன்கள் வரை பாசமாக அழைக்கும் ஆயில்ஸ் இன்று தனது பதினாறாவது பிறந்த நாளை வெகு சிறப்பாக இணையத்தில் கொண்டாடுகிறார்.

சின்னப்பாண்டியை மேலும் வாழ்த்துவோர்
ஷ்ரேயா கொசல் நற்பணி மன்றம்
ஆயில்யா ஆர்குட் பேரவை
அனன்யா ஆர்குட் மன்றம்
மல்லுவூட் நடிகையர் அமைப்பு
ட்விட்டர் மொக்கை கழகம்

மேலே தந்த அடிகளை எழுதியவர் என் சகோதரன் ஆயில்யன், அவர் என் பெயரை இட்ட இடங்களில் மட்டும் மாற்றம் செய்து புதுப்பித்திருக்கின்றேன். எமக்கான பந்தம் சாகும் வரை தொடரும் சின்னப்பாண்டி.

சின்னப்பாண்டிக்காக நான் தரும் பிறந்த நாள் வாழ்த்துப் பாடல் இதோ

மேலே சொன்ன பாடலைத் தொடர்ந்தும் பாடிக்கொண்டிருக்காமல், இந்த நிலையை அடைய வாழ்த்துகிறோம் முத்து ;-)

எஸ்.எஸ்.சந்திரன் மறைவில்

2010-10-08T21:47:00.000-07:00

எம்.ஜி.ஆர் ஆட்சிக்காலத்தில் சினிமாஆயுதத்தால் அ.தி.மு.க வை சீண்டிப்பார்த்ததில் எஸ்.எஸ்.சந்திரன் பங்குமுக்கியமானது. குறிப்பாக 80 களில் வந்த எஸ்.எஸ்.சந்திரன் முக்கிய நகைச்சுவை வேடமிட்டு வந்த படங்களில் அ.தி.மு.க குறித்தஎள்ளல் இருக்கும்.எஸ்.எஸ்.சந்திரன் அளவுக்கு பின்னாளில் கட்சிப்பரப்புரைக்காக திரை நகைச்சுவையைப்பயன்படுத்தியவர் இல்லை என்றேசொல்லலாம். புருஷன் எனக்கு அரசன் படத்தைத் தயாரித்தவர் எஸ்.எஸ்.சந்திரன்.

இராம.நாராயணனின் நகைச்சுவைப் படங்களில் எஸ்.எஸ்.சந்திரன் இணைந்திருப்பார், இருவருமே தி.மு.க அணி பிரச்சாரத்துக்கு வசதி. விஜயகாந்த் டி.ராஜேந்தர் தி.மு.க சார்பு நிலையில் இருந்த காலகட்டத்தில் எஸ்.எஸ் சந்திரன் காட்டில் மழை.

"நல்லா இருந்து நாசமாப்போக" மணமகளே வா படத்தில் எஸ்.எஸ்.சந்திரன் சாமியாராக நடித்த போது விட்ட பஞ்ச்.

80 களில் கவுண்டமணி ஹீரோ ரேஞ்சுக்குப் போக அவரின் வெற்றிடத்தை நிரப்பியவர் எஸ்.எஸ்.சந்திரன். பின்னாளில் எஸ்.எஸ்.சந்திரனும் ஓரிரு படங்களில் விசு பாணி ஹீரோவாக நடித்தவர். பெண்கள் வீட்டின் கண்கள்" எஸ்.எஸ்.சந்திரன் ஹீரோவாக நடித்து வெற்றி கண்ட படம்.

எஸ்.எஸ்.சந்திரன் நடித்துப் பிரபலமான வெற்றிப்படங்களில் ஒன்றான சகாதேவன் மகாதேவன் படத்தில் அவர் அ.தி.மு.க.விற்குக் கொடுக்கும் உள்குத்து நகைச்சுவையோடு காணொளி

சாதித்துக் காட்டி நெகிழ வைத்த அபிநயா

2010-06-28T05:21:00.000-07:00

கடந்த வருடம் வெளிவந்த நாடோடிகள் திரைப்படத்தில் ஒரு நாயகியாக நடித்த அபிநயா, தன் பிறவியிலேயே காது கேட்காதவர், வாய் பேசமுடியாதவர். நாடோடிகள் பட வாய்ப்புக் கிட்டியதும் அந்தப் படத்தில் இவருக்கு இன்னொருவர் பின்னணிக் குரல் கொடுத்திருந்தாலும் அந்தச் சுவடே தெரியாமல் குறித்த பாத்திரமாக இயல்பாக நடித்துத் தன் நடிப்புத்திறனைச் சாதித்துக் காட்டியவர். ஒரு இயக்குனரின் குறித்த பாத்திரத்தின் தேவையை அறிந்து அதை உள்வாங்கி நடிப்பது என்பது எவ்வளவு சவாலானது. இந்த அபிநயாவிற்கு விஜய் தொலைக்காட்சியின் 2009 படங்களுக்கான விஜய் அவார்ட்ஸில் சிறந்த இணை நடிகைக்கான விருது கிட்டியது. அப்போது அவர் உணர்வுகளை எப்படிப் பகிர்ந்து கொள்கின்றார் என்று பாருங்களேன் (முதல் வீடியோவில் எட்டாவது நிமிடத்தில் வருகிறது). கூடவே அவரின் தந்தை பேசும் போது பார்த்துக் கொண்டிருக்கும் கண்களில் நீர் வராமல் இருப்பதைத் தவிர்க்க முடியாது. நிகழ்ச்சிக்கு வந்த ஜாம்பவான்களில் இருந்து பாமரர் வரை எழுந்து நின்று இந்தச் சாதனைப் பெண்ணுக்கு வாழ்த்தியது ஒரு மகுடம்

அன்று கேட்டவை இன்று புத்தம் புதிதாய்

2010-05-29T03:30:00.000-07:00

இப்போதெல்லாம் பழைய பாடல்களை ரீமிக்ஸ் என்று கைமா பண்ணும் காலம் இது. முன்னொரு காலத்தில் எண்பதுகளில் சிங்கப்பூர் ஒளி ஒலி என்ற வீடியோ நாடாக்கள் வெகு பிரசித்தமாக இருந்தன. அந்த ஒலி ஒளி இசை நிகழ்ச்சியில் திறமையான சிங்கப்பூர் பாடகர்கள் தங்கள் பாணியில் பாடியும் ஆடியும் சினிமாப்பாடல்களைக் கொடுப்பதே சுவாரஸ்யமாக இருக்கும். அந்த நிகழ்ச்சி ஓய்ந்து விட்டது ஒரு துரதிஷ்டமே.

அண்மையில் சிங்கப்பூர் சென்ற போது ஒரு பாடல் இசைத்தட்டு வாங்கினேன். அதில் சிங்கப்பூரின் பிரபல கலைஞர்கள் எண்பதுகளில் வந்த சினிமாப்பாடல்களுக்கு புது மாதிரியான மெல்லிசை கொடுத்துப் பாடி இருந்தார்கள். எல்லாப்பாடல்களுமே கேட்பதற்கு இதமாக இருக்கும். இதேமாதிரி ஒரு அனுபவம் யூடிபை மேய்ந்த போது கிட்டியது. ஏஷியா நெட்டின் Rosebowl என்ற சானல் இளையோருக்கான ஒரு சானல் என்று தன்னை முன்னுறுத்தி வித்தியாசமான படைப்புக்களை வழங்கி வருகின்றது. அதில் ஒன்று தான் Rosebowl Youth Icon 2010 இந்த நிகழ்ச்சியின் சில பகிர்வுகளைக் கண்டு வியந்து போனேன். பழைய பாடல்களை பியானோ போன்ற நவீன வாத்தியங்களைக் கொண்டு இசைத்தவாறே இளம் பாடகர்கள் தம் பாணியில் கொடுத்த விதம் உண்மையிலேயே வித்தியாசமானதொரு படையலாக இருக்கின்றது. இந்த மாதிரியான நிகழ்ச்சிகள் தான் என்றும் இனிக்கும் எமது திரையிசைச் செல்வங்களை மாசு கெடாது அடுத்த தலைமுறையும் ரசிக்கும் வகையில் செய்யும் என்பதில் ஐயமே இல்லை. நான் அனுபவித்தை நீங்களும் அனுபவித்து மகிழுங்கள்.

"என்ன சத்தம் இந்த நேரம்" புன்னகை மன்னன் படப்பாடலை அனுபவித்துப் பாடும் உன்னிமேனன்

"நின்னுக்கோரி வர்ணம்"அக்னி நட்சத்திரம் படப்பாடலைப் பாடுகின்றார் ஹரிணி

"விடை கொடு எங்கள் நாடே" ஜாப் பாடும் கன்னத்தில் முத்தமிட்டால் படப்பாடல்

மலையாளத்தின் எவர் க்ரீன் பாடல் "தும்பீ வா தும்பக் குளத்தில்" ஓளங்கள் பாடலைப் பாடும் மஞ்சரி

"என்னுயிரே என்னுயிரே" உயிரே படப்பாடலோடு உருகும் ஶ்ரீனிவாஸ்

"உன்னைக் காணாத கண்ணும்" நேகா உருகிப்பாடும் இதயக்கமலம் பாடல்

"மஞ்சள் வெய்யில் மாலையிலே" வேட்டையாடு விளையாடு பாடலோடு துள்ளிசைக்கும் க்ரிஷ்

"புது வெள்ளை மழை இங்கு பொழிகின்றது" ரோஜா பாடலை வெள்ளை மழையில் அனுபவித்துப் பாடும் சிசிலி

கடந்த வருச மலையாள ஹிட் பாடல் "பிச்ச வச்ச நாள் முதல்" புதியமுகம் படப்பாடலைப் பாடும் நேகா

மண மேடையில் .:: மை பிரண்ட்::.

2010-02-18T23:48:00.000-08:00

எங்கள் அருமைச் சகோதரி, பாசக்காரப் பொண்ணு .:: மை பிரண்ட்::. (அனுராதா) இன்று திரு எம்.விஜயகுமாரைத் தன் வாழ்க்கைத் துணையாகக் கரம்பிடிக்கிறார். மணமக்கள் எல்லாச் செல்வங்களையும் பெற்று இல்லறம் என்னும் நல்லறத்தைப் பேணி, இணைபிரியாது நீடுழி காலம் வாழ வாழ்த்துகிறோம்.

2009 சிறந்த மலையாள கானங்கள்

2010-02-01T02:30:00.000-08:00

2009 ஆம் ஆண்டில் வெளிவந்த ஏறக்குறைய எல்லா மலையாளப் படங்களின் பாடல்களையும் ஏஷியா நெட் புண்ணியத்தில் பார்த்து ரசித்தேன். அதில் என்னைக் கவர்ந்த பாடல்களில் பட்டியல் இதோ.

புதிய முகம் திரைப்படத்தில் இருந்து தீபக் தேவ் என்ற இசையமைப்பாளருக்கு ஏஷியா நெட் சிறந்த இசையமைப்பாளர் விருதைக் கொடுத்த, சங்கர் மகாதேவன் குரலில் ஒலிக்கும் "பிச்சவெச்ச நாள்" பாடல்

"நீலத்தாமரா" என்ற காவியத்தில் இருந்து வித்யாசாகர் மெட்டில் ஷ்ரேயா கொஷல் பாடும் "அனுராக விலோசனனாயி"

பெனாரஸ் திரைப்படத்திற்காக எம்.ஜெயச்சந்திரன் இசையில் ஷ்ரேயா கொசல் பாடும் "சாந்து தொட்டில்லே"

பழஸ்ஸி ராஜா திரைக்காக இசைஞானி இளையராஜா இசையில் கே.எஸ்.சித்ரா பாடும் "குன்னத்தே கொன்னைக்கும்"

ஆயில்யன் - 1980

2010-01-05T01:57:00.000-08:00

நண்பனுக்கும்
சகோதரனுக்கும்
இடைப்பட்ட ஒர் உறவுக்கு,
பெயர் இருந்தால் அதை நான்
ஆயில்யன் என்றே அழைப்பேன்!

இனிய பிறந்த நாள் நல்வாழ்த்துக்கள் ஆயில்யன்

அன்புடன்,
கானா பிரபா

சின்னப்பாண்டியை மேலும் வாழ்த்துவோர்
ஷ்ரேயா கொசல் நற்பணி மன்றம்
ஆயில்யா ஆர்குட் பேரவை
அனன்யா ஆர்குட் மன்றம்
மல்லுவூட் நடிகையர் அமைப்பு
ட்விட்டர் மொக்கை கழகம்

மேலே தந்த அடிகளை எழுதியவர் என் சகோதரன் ஆயில்யன், அவர் என் பெயரை இட்ட இடங்களில் மட்டும் மாற்றம் செய்து புதுப்பித்திருக்கின்றேன். எமக்கான பந்தம் சாகும் வரை தொடரும் சின்னப்பாண்டி.

சின்னப்பாண்டிக்காக நான் தரும் பிறந்த நாள் வாழ்த்துப் பாடல் இதோ

மேலே சொன்ன பாடலைத் தொடர்ந்தும் பாடிக்கொண்டிருக்காமல், இந்த நிலையை அடைய வாழ்த்துகிறோம் முத்து ;-)

"மதுரை to தேனி வழி ஆண்டிப்பட்டி" சுகமான பயணம்

2009-11-14T23:42:00.000-08:00

நீண்ட நாட்களுக்குப் பிறகு ஒரு படத்தை விட்டு விட்டுப் பார்க்காமல் முழுமூச்சில் பார்த்து ஓய்ந்திருக்கின்றேன். அதற்குக் காரணம் படு யதார்த்தமான மதுரைப் பக்கம் வீசும் பேச்சு வழக்கும் 99.9% வீதம் ஆக்கிரமிக்கும் புதுமுகங்களின் இயல்பான நடிப்பும் கூடவே சுமாரான அதிக திருப்பம் இல்லாத கதை என்றாலும் எடுத்துக் கொண்ட களத்தைப் பயன்படுத்திய விதமுமாகச் சிறப்பிக்கின்றது "மதுரை to தேனி வழி ஆண்டிப்பட்டி" என்ற திரைப்படம்.

"நாடோடிகள்" படம் என்னை ஏனோ அவ்வளவாக ஈர்க்கவில்லை. ஆனால் பெருவாரியான ரசிகர்களுக்குப் பிடித்துப் பெரும் வெற்றி கண்டது வரலாறு. ஆனால் "மதுரை to தேனி வழி ஆண்டிப்பட்டி" படத்திற்கு வலைப்பதிவுகள் பலவற்றிலும் எதிர்மறையான விமர்சனங்கள் வந்ததோடு படமும் பெரிதாக எடுபடவில்லை. இந்தப் படத்தைப் பார்க்க வேண்டும் என்று தூண்டியதே படத்திற்க்காக எடுக்கப்பட்ட ஒரு ப்ரொமோ பாடலும், காதல் பாடல் ஒன்றும்.

கதாநாயகனாக நடிக்கும் அரவிந்த் வினோத், நாயகி ஸ்ரித்திகா போன்றோரின் அலட்டல் இல்லாத நடிப்போடு ரஜினி ரசிகராக வரும் பஸ் கண்டெக்டர் ராஜ்குமார், குள்ள உருவத்தில் கலாட்டா செய்யும் பையன் மற்றும் பஸ் பயணத்தில் வரும் ஒவ்வொரு பாத்திரமுமே அறிமுகங்கள் என்ற குறையே வைக்கவில்லை. இயக்குனர் ரதிபாலா, அழகான ஒளிப்பதிவு தந்த எஸ்.பி.எஸ். குகனின் ஒளிப்பதிவு அத்தோடு இந்தப் படத்தைப் பார்க்கத் தூண்டிய இனிய இசையை வழங்கிய ஜேவியின் இசை எல்லோருக்கும் சபாஷ். உங்கள் அடுத்த கலைப்பயணத்திற்காவது பெரும் அங்கீகாரம் கிடைக்கட்டும்.

இரு விழி இரண்டும் ஓசைகள் எழுப்ப

மதுரை to தேனி வழி ஆண்டிப்பட்டி promo video

கொஞ்சம் இஷ்டம் கொஞ்சம் கஷ்டம்

2009-11-11T00:41:00.000-08:00

பொதுவாகவே எனக்கு மலையாளப்பாடல்கள் பாடல்கள் என்றால் நிறையவே இஷ்டம், கன்னட, தெலுங்குப் பாடல்களை எடுத்துக் கொண்டல் கொஞ்சம் இஷ்டமாக இருந்தாலும் மொழி தெரிவதற்கு கொஞ்சம் கஷ்டப்பட வேண்டும்.

இங்கே எனக்கு கொஞ்சம் இஷ்டமாக உள்ள சில பாட்டுக்களைத் தருகிறேன் கொஞ்சம் கஷ்டப்பட்டுக் கொண்டே ரசியுங்களேன்.

முதலில் வருவது தெலுங்குப் படமான கொஞ்சம் இஷ்டம் கொஞ்சம் கஷ்டம் படத்தில் இருந்து (ஹையா தலைப்புக்கு ஏற்றமாதிரி பதிவு வந்திட்டுது) சங்கர் எசான் லாய் இன் இசையமைப்பில் 'ஆனந்தமா"

அடுத்து இன்னொரு தெலுங்குப் படமான "கொத்த பங்காரு லோகம்" (படம் பேரைப் பாருங்களேன் - கஷ்டம் ) படத்தில் இருந்து மைக்கி ஜே மேயர் இசையில் "நிஜங்கா நேனேனா" (கஷ்டப்பட்டு எழுதியிருக்கிறேன்)

அடுத்து நம்ம தல இளையராஜா பாடி இசையமைத்த "ப்ரேம் கஹானி" படத்தில் இருந்து இனிய பாடல் ஒன்று ( பாடல் வரிகளைப் புரிவதே கஷ்டம் ஏனென்றால் மொழி தெரியாதே)

"காற்றில் எந்தன் கீதம்" ஒரு சிலாகிப்பு

2009-09-27T03:38:00.000-07:00

"காற்றில் எந்தன் கீதம்" இந்தப் பாடல் 29 வருஷங்களுக்கு முன்னர் "ஜானி" திரைப்படத்தில் வந்த, இன்றும் ரசிகர் மனதை விட்டு நீங்காது ஆணி அடித்தது போல நிற்கும் பாடல். இளையராஜாவைக் கேட்டு வளராத அடுத்த தலைமுறை கூட இந்தப் பாடலை நேசம் கொண்டு பாடிப் பரவசம் அடையும் அளவுக்கு பாட்டின் மெட்டும், பாடிய ஜானகியின் குரல் இனிமையும், பின்னணியில் கலக்கும் இசையும் வியாபித்து நிற்கும்.

ஆர்ப்பாட்டமாக மட்டுமல்ல அமைதியான தென்றலாகக்கூடத் தன்னால் பாடி வைக்க முடியும் என்று எஸ்.ஜானகி நிரூபித்த பாடல்களில் முதல் இடத்தில் இருப்பது இந்தப் பாடல். கஸல் வடிவில் பொருத்திப் பார்க்கக் கூடிய இந்தப் பாடலை எஸ்.ஜானகி பாடிய போது இந்தக் குரலே அவருக்கு அந்நியமான ஒரு வடநாட்டுப் பாணி போல இருக்கும். வளைந்து நெளிந்து போகும் இந்த குரல் கொடுக்கும் உருக்கம் கேட்போரின் ஊனினை உருக்க வல்லது. கூடவே பின்னணியாய் மெல்லிய மழைச்சாரல் போல வரும் இசை குரலோடு சேர்ந்து ஏக்கத்தைக் காட்டுகின்றது கண் முன்னே. காதல் வயப்பட்ட உள்ளம் மழைதேடி நனைந்து ரசிக்க வைக்கும் வல்லமை கொண்டது.

"காற்றில் எந்தன் கீதம்" மொழி கடந்தும் ரசிக்கப்படுகின்றது என்பதற்கு இங்கே அம்ருதா டிவியில் வந்த இசைப்போட்டிகளில் பாடிய பாடகிகளில் ஒளித் துண்டங்களும், கூடவே மலையாளத்தின் தலைசிறந்த புதிய தலைமுறை இசையமைப்பாளர் எம்.ஜெயச்சந்திரன் இப்பாடலைப் பற்றிச் சிலாகிக்கும் கருத்தையும் தந்திருக்கின்றேன்.

Aur Ek Prem Kahani என்ற ஹிந்தித் திரைப்படத்தினை பாலுமகேந்திரா இயக்கியபோது ராஜாவிடம் பழைய மெட்டுக்களைக் கேட்டுப் பயன்படுத்திக் கொண்டார். அதிலும் "காற்றில் எந்தன் கீதம்" வந்து கலந்தது.

"காற்றில் எந்தன் கீதம்" பாமரனை மட்டுமல்ல சங்கீத விற்பன்னர்களையும் கவரும் அதி அற்புதமான பாடல்.

மூலப்பாடலைப் பார்த்து ரசிக்க

அம்ருதா டிவியில் Super Star Junior 2 இல் அனகா பாடும் "காற்றில் எந்தன் கீதம்"

அம்ருதா டிவியில் Super Star 2 நிகழ்ச்சியில் பத்ரா பாடும் "காற்றில் எந்தன் கீதம்"

இந்தப் பாடலை இசையமைத்த ராஜாவின் காலடியில் விழுந்து வணங்குவேன் என்று சொல்லும் மலையாள இசையமைப்பாளர் எம்.ஜெயச்சந்திரன்

Aur Ek Prem Kahani திரைப்படத்தில் இதே மெட்டை வைத்து ஆஷா போன்ஸ்லே ஐ பாட வைத்திருக்கிறார் இளையராஜா

And, Now...

2009-08-24T22:46:00.000-07:00

எங்கே. செல்லும். இந்தப்பாதை....அதை... யாரோ... யாரோ. அறிவாரோ.

கலாட்டா கல்யாணம் ;-)))

2009-07-25T17:32:00.000-07:00

ஆயிரம் கலாட்டாக்கள் பண்ணி ஒரு கல்யாணத்தை பண்ணி வை என்பது எழுதப்படாத விதி, ஆனால் அமெரிக்காவின் Minnesota மானிலத்தில் உள்ள Saint Paul தேவாலயத்தில் Jill இற்கும் Kevin Heinz இற்கும் நடந்த திருமண நாள் மறக்க முடியாத நாளாக உலகெங்கும் எடுத்துச் செல்லப்பட்டது. என்ன காரணம் என்பதை அறிய வீடியோவை அழுத்தி இந்தக் கூத்தைப் பாருங்கள்.

இந்த வீடியோவை இன்று காலை எமது அவுஸ்திரேலியாவின் சானல் 7 தொலைக்காட்சியின் காலை நிகழ்ச்சியில் ஒளிபரப்பினார்கள். யூடிபில் தேடியபோது கிடைத்த இன்னொரு தகவல் இந்த வீடியோ போட்டு எட்டு நாட்களுக்குள் 5,401,680 பேர் பார்த்திருக்கின்றார்கள்.

நான் ரசித்த மலையாள மென் மெட்டுக்கள்

2009-06-13T07:06:00.000-07:00

நான் பார்த்து ரசித்த சில மலையாளப் படங்களில் வெளிவந்த இனிய பாடல்களின் தொகுப்பை இங்கே பகிர்கின்றேன்.

சிபி மலயில் இயக்கி, நடிகை சாரதா தயாரிப்பில், திலீப், நவ்யா நாயர், சாரதா போன்றோர் நடித்த திரைப்படம் "மழைத்துளிக்காலம்" இந்தப் படத்தில் இருந்து மோகன் சித்தாரா இசையில் ஜெயச்சந்திரன் பாடும் இனிய பாடல் ஒன்று. எத்தனை ஆண்டுகள் கடந்தாலும் சேதாரப்படாத குரலில் பாடலின் கனிவைக் காட்டுகின்றார் ஜெயச்சந்திரன்.

வித்யாசாகர் மழையடிக்கும் போது ஒதுங்கிப் போய் மலையாளத்தில் ஒரு கலக்கு கலக்கிவிட்டு வருவார். Rock N Roll என்ற திரைப்படம் மோகன்லால் நடித்து கலகலப்பாகப் பார்க்கக் கூடிய படம். இசைக் கலைஞன் சம்பந்தப்பட்ட திரைப்படம் என்பதால் இங்கே நான் தும் பாடலே போதும் வித்யாசாகரின் சாகித்யத்துக்கு. கடந்த ஆண்டு இந்தப் பாடல் மது பாலகிருஷ்ணனுக்கு சிறந்த பாடகர் விருதை அள்ளிக் கொடுத்தது.

"இஷ்டம்" திரைப்படத்தை இப்போது தான் பார்த்து முடித்து வந்திருக்கிறேன். திலீப், நெடுமுடிவேணு, நவ்யா நாயர், ஜெயசுதா ஆகியோர் நடித்த கலக்கலான படம். தன் தகப்பனின் நிறைவேறாத காதலை மகன் நிறைவேற்றும் வித்யாசமான கதையோட்டம் இது. தகப்பனின் காதல்கவிதையை மகன் பாடலாக்கிப் பாடும் காட்சி.

எந்து பறஞ்சாலும் நீ எந்தேதல்லே வாவே....!

2009-04-13T04:10:00.000-07:00

ஐடியா சிங்கர் காட்டிய இலைமறைகாய் திறமைகளில் வாணி விஸ்வநாத் போன்ற குரல்களை முன்னர் காட்டியிருந்தேன். இதோ இங்கே அம்ருதா சுரேஷின் கலக்கலான குரலில் அச்சுவிண்டே அம்மாவில் இசைஞானி கலக்கிய "எந்து பறஞ்சாலும் நீ எந்தேதல்லே வாவே".
இன்னும் பல உயரங்களைக் கடக்க இந்த இசைக்குயிலுக்கு வாழ்த்துக்கள்.

சித்ரா பாடும் மூலப்பாடல்

அனியத்தி பிறாவு VS காதலுக்கு மரியாதை BGM ஒப்பீடு

2009-04-02T05:07:00.000-07:00

இயக்குனர் பாசிலின் பல மலையாளப் படங்கள் தமிழுக்கு மாற்றம் கண்டு தயாரிக்கும் போது நிரந்தர இசையமைப்பாளராக இருப்பது இசைஞானி இளையராஜா. இசைஞானியின் பின்னணி இசையின் ஆழம் எவ்வளவு தூரம் சிறப்பாக இருக்கின்றது என்பதற்கு ஒரு உதாரணத்தை இங்கே தருகின்றேன்.

அனியத்தி பிறாவு திரைப்படத்தினை நான் காதலுக்கு மரியாதை திரைப்படம் வருவதற்கு முன்னர் பார்த்து ரசித்திருந்தேன். மீண்டும் அனியத்தி பிறாவு படத்தைப் பார்த்த போது "காதலுக்கு மரியாதை" திரைப்படத்தில் இசைஞானி இளையராஜா எவ்வளவு தூரம் தன் பின்னணி இசையினால் இன்னும் அந்தக் காவியத்தை உயரே தூக்கி நிறுத்தியிருக்கின்றார் என்பதை அழகாகக் காட்டுகின்றது இங்கே நான் தரும் இரண்டு படங்களின் இறுதிக் காட்சியும்.

முதலில் "அனியத்தி பிறாவு" படத்தின் இறுதிக்காட்சி, இசை வழங்கியவர் Ouseppachan

இதோ இசைஞானியின் ராக சாம்ராஜ்யத்தில் "காதலுக்கு மரியாதை" இறுதிக் காட்சி, குறிப்பாக நிமிடம் 2.07 வினாடிக்கு முன்னும் பின்னுமுள்ள இசைமாற்றத்தை அவதானித்துப் பாருங்கள். காதலர் கண்கள் சந்திக்கும் போது அதுவரை இருந்த இசை மெல்ல மாறி சோக இழையோடலில் என்னைத் தாலாட்ட வருவாளோ

54 ஆவது பிலிம்பேர் (ஹிந்தி) பார்த்ததும் பாதித்ததும்

2009-03-20T08:20:00.000-07:00

ஆரம்பத்தின் கரன் ஜோகரின் கடி மழையை சகித்துக் கொண்டு பார்க்க ஆரம்பித்தால் அவருக்குப் பின் வந்து தொகுத்த ரன்பீன் கபூரும் இம்ரான்கானும் பண்ணிய அலும்பைச் சகிக்க முடியவில்லை. இதுக்கு வேறு ஆளாளுக்கு வந்து பாராட்டு மழை, நல்லா பண்றாங்களாம்.

அதிகம் எதிர்பார்த்த வெட்னிஸ்டே படம் அள்ளவில்லை, மாறாக மும்பை மேரிஜான் கவனிப்புக்குரியதாக இருந்ததுஆறுதல்.

Rock On! படத்தில் அப்படி என்ன தான் விஷேசமப்பா, டிவிடி வாங்கி 4 மாதமா தூங்குது, விருதை அள்ளியதே.

கஜினிக்காக சிறந்த புதுவரவு அசின் தொதும்கல் (என்ன இழவுடா) பரிசை பெற்றார் இயக்குனர் முருகடோஸ் தவிர எல்லாருக்கும் நன்றி சொன்னார்.

ரஹ்மானுக்கு 2 விருது , இப்படி ரெண்டு ரெண்டா வாங்கினா எப்படிங்க? விருதை வழங்கிய ஆஷாபோன்ஸ்லே ரங்கீலாஆஆஅ என்று பாடி ரஹ்மானை அழைத்தது மெய்சிலிர்ப்பு.

கரீனா கபூரும் புதுஜோடி சயிப் அலிகானும் வந்திருந்தனர். உர்ரென்ற முகத்தோடு கரீனாவின் பழைய காதலன் சாஹிட் கபூரும்

பிலிம்பேரின் அரங்கம் ஹைடெக் கலக்கல், சன் டீவி ஒளிபரப்பு போல ஆங்காங்கே காமரா பறப்பு தெரியவில்லை.

இடையிடையே வந்த நடனங்களில் உருப்படியா ஆடியது அபிஷேக் பச்சன், ஆள் செம குஷியில் இருந்தார், பார்வையாளர் பகுதியில் இருந்தும் கலாட்டா பண்ணியவாறே.

அமிதாப் அபிஷேக்கின் தம்பியா அப்பாவா? ட்ரெண்டியா உடையும், பக்கா க்ளாமராக
ஆள் 30 வயசு குறைச்சல்,ஐஸ்வர்யாராய்க்கு வயசு போகுதுப்பா ட்ரெஸ்சென்ஸ் கொடுமை:(

அர்ஜின் ராம்பால் ரசித்தவாறே நிகழ்ச்சியை பார்க்கும் அழகே தனி.

கையொடிந்த ஷாருக் ஸ்லம்டோக் மில்லியனியர் குழந்தைகளை அழைத்து விருது வழங்கினார், சிறப்பான பேச்சு ஆனாலும் மைக்கை கண்டா இவருக்கு குஷி போல.

ஸ்லம்டோக் மில்லியனியரில் நடிச்ச குழந்தைகளில் ஒன்று ஹாலிவூட்டை விட பாலிவூட் தான் பெட்டர் என்ற பேச்சு செம செயற்கை 5 நாள் ட்ரெய்னிங் போல.

ஆனா இன்னொரு குழந்தை முன்வரிசையில் எம்மாம் பெரீய்ய்ய்ய நடிகர்கள் என்று வாய்விட்டு பேசியது படு இயற்கை.

ஜோதா அக்பர் படத்துக்கு சிறந்த இயக்குனர், படம் விருதை பெற்றவர்கள் பெயிண்ட் அடிச்சவன் பேர் சொல்லி கூடநன்றி மழை, ஆனா ரஹ்மான் பேர் மட்டும் இல்லை.

புதுமுகப்பாடகர் பென்னி தயாள் (மதுரைக்கு போகாதடி) ரஹ்மான் புண்ணியத்தில் விருதை வாங்கி ஏகத்துக்கும் புகழ்ந்தார் நெகிழ்வாக இருந்தது.

ஷ்ரேயா கொசலுக்கு எப்பதான் பிலிம்பேர் விருது கொடுக்காமல் நிறுத்தப் போறாங்க?

சிறந்த நடிகர் விருதை வாங்க ஹ்ரித்திக் வரவில்லை.

ஓம் பூரிக்கு வாழ்நாள் சாதனையாளர், அமிதாப் விருதை வழங்கிக் கொண்டே ஓம்புரியின் அடக்கம் பற்றி பேசப்பேச இவரோ கண்களை மூடிக்கொண்டு முகம் சிவக்க அழுகை.

ஓம்பூரி 74 இல் திரைப்படக் கல்லூரியில் நுழையும் போது இவன் ஹீரோவும் இல்லாம வில்லனும் இல்லாம இரண்டும் கெட்டானா இருக்கானே என்று எல்லோரும் ஒதுக்கஅப்போது திரைப்படக் கல்லூரி முதல்வர் க்ரீஷ் கர்னாட்டின் கருணைக்கடாட்சம் மூலம் நுழைவு கிடைத்தது அதனால் இங்கே உங்கள் முன் நிற்கிறேன் இப்படிச் சொன்னார் ஓம்பூரி.

வாழ்நாள் சாதனையாளர் விருது பெறும் ஓம் பூரி

மொழி தாவிய திரை மெட்டுக்கள் - பாகம் 3

2009-02-27T22:49:00.000-08:00

மொழி தாவிய திரை மெட்டுக்களாக இந்த முறை தமிழ், தெலுங்கு திரையில் இசைஞானி இளையராஜா இசையமைத்த பாடல்கள் வலம் வர இருக்கின்றன. அந்த வகையில் மூன்று முத்தான பாடல்கள் மாற்றம் பெற்ற விதத்தைக் காட்சிகளோடு காணப் போகின்றீர்கள். முதலிரண்டு பாடல்களைப் பரிந்துரைத்த ஜி.ராகவனுக்கு நன்றிகள்.

முதலில் கொடுத்திருக்கும் பாடல் தமிழில் புதிய வார்ப்புகள் திரைப்படத்தில் வெளிவந்த தம்தன தம்தன பாடல். இந்தப் பாடலை ஜென்சி குழுவினர் பாடியிருக்கின்றார்கள். பின்னர் தெலுங்கில் தனது முதல் படமான Kotta Jeevithalu வை எடுத்த போது இதே பாடலினை தெலுங்கில் பி.சுசீலா, எஸ்.ஜானகி குழுவினரோடு பாட வைத்திருக்கிறார் ராஜா. தெலுங்கு வடிவத்தைக் கேட்டதில் இருந்து தமிழை விட மிக அழகாக இந்த தெலுங்கு பாடல் அமைந்திருப்பதாக இருக்கின்றது. நண்பர் ஜி.ராகவனும் சொன்னார், ராஜா தான் எதிர்பார்த்த அளவுக்கு தமிழில் இப்பாடல் அமையாததால் தெலுங்கில் பி.சுசீலா, ஜானகி குழுவினரைப் போட்டதாக. உண்மையிலேயே ராஜாவிற்கு தெலுங்கு பாடல் நிச்சயம் நிறைவாக வந்திருக்கும்.

தெலுங்கில் "தம்தன தம்தன தாளம் வரும்" பாடலை மாற்றிய விதம்
யூடிப் இடுகை: satabisha
பாடியவர்கள்: பி.சுசீலா, ஜானகி, குழுவினர்

தமிழில்
யூடிப் இடுகை: hemanu
பாடியவர்கள்: ஜென்சி, வசந்தா, குழுவினர்

தெலுங்கில் கே.விஸ்வநாத் "சாகர சங்கமம்" படத்தை எடுத்த போது வான் போலே வண்ணம் கொண்டு பாடலுக்காக ஜெயச்சந்திரன், மாதுரி ஜோடியை உபயோகித்துக் கொண்டார் ராஜா. ஆனால் தமிழில் சலங்கை ஒலி பேசிய போது எஸ்.பி.பால சுப்ரமணியம், சைலஜா ஜோடி வந்தது. தெலுங்கை விட அண்ணன் தங்கை தான் கலக்கியிருக்கிறார்கள் என்பது என் எண்ணம்.

தெலுங்கில் "வான் போலே வண்ணம் கொண்டு" பாடலை மாற்றிய விதம்
யூடிப் இடுகை: ignatiuskm
பாடியவர்கள்: ஜெயச்சந்திரன், மாதுரி

தமிழில்
யூடிப் இடுகை: rajshri
பாடியவர்கள்: எஸ்.பி.பி, சைலஜா

தமிழில் வெளிவந்த புது புது அர்த்தங்கள் படத்தில் எஸ்.பி.பி மற்றும், சித்ராவை "குருவாயூரப்பா குருவாயூரப்பா" பாடலை பாடவைத்த ராஜா Bharyalu Jagratha என்று தெலுங்கு பேசிய போது அந்தப் பாடலை மனோ, சித்ராவை ஜோடியாக்கினார். தமிழின் சிறப்பை தெலுங்கில் காணோம்.

Bharyalu Jagratha

தெலுங்கில்
யூடிப் இடுகை: sx42007
பாடியவர்கள்: மனோ, சித்ரா

தெலுங்கில் "குருவாயூரப்பா குருவாயூரப்பா" பாடலை மாற்றிய விதம்
யூடிப் இடுகை: rajshri
பாடியவர்கள்: எஸ்.பி.பி, சித்ரா

இலங்கை அரச பயங்கரவாதம் குறித்து பாடகி மாயா பேசுகிறார்

2009-01-30T19:50:00.001-08:00

இலங்கை அரச பயங்கரவாதம் குறித்து பாடகி மாயா அமெரிக்க தொலைக்காட்சியின் பேட்டியில் சொல்கின்றார். வீடியோ இணைப்பு நன்றி SiberNetwork

ஏ.ஆர். ரஹ்மான் பெறும் Golden Globe Award 2009

2009-01-12T01:52:00.000-08:00

Slumdog Millionaire என்ற ஹொலிவூட் திரைக்காக இசைப்புயல் ஏ.ஆர்.ரஹ்மான் Golden Globe இன் விருதினைப் பெறுகின்றார். அவரை இவ்வேளை வாழ்த்தி, அந்த விருது கிடைத்த நிகழ்வினைப் பகிர்கின்றேன். Youtube courtesy: sapnanaresh6

ஆயில்ஸ் வாழணும் நூறு ஆயுள்ஸ்

2009-01-05T00:55:00.000-08:00

எமது பாசமிகு உடன்பிறப்பு, ஜீமெயில் கண்டெடுத்த முத்து, சின்னப்பாண்டி என்று செல்லமாக மயிலாடுதுறை பெரிசு முதல் கட்டார் சேட்டன்கள் வரை பாசமாக அழைக்கும் ஆயில்ஸ் இன்று தனது பதினாறாவது பிறந்த நாளை வெகு சிறப்பாக இணையத்தில் கொண்டாடுகிறார்.

ஸ்ரேயா கொஷல் போன்ற புதுப்பாடகிகள் வரும் போது அவர்களுக்கு நற்பணி மன்றம் வைப்பதில் ஆகட்டும், ஸ்வாதி, மீரா நந்தன், சரண்யா மோகன், ஆயில்யா போன்ற பிகர்கள் அறிமுகமாகி பீல்ட் அவுட் ஆகும் வரை ஆர்குட் குழுமம் ஆரம்பிப்பதில் ஆகட்டும் ஆயில்ஸுக்கு நிகர் ஆயில்ஸ் தான். (இவ்வேளை என் அன்புச் சகோதரி துர்கா ஆயில்ஸை ஆலிவ் ஒயில் என்று கிண்டலடிப்பதைக் கண்டிக்கிறோம்).

எமது சின்னத் தளபதி நீடுழி காலம் வாழணும் என்று வாழ்த்தி அவர் போற்றும் பெரிய தளபதி பாடும் "மலையாளக் கடலோரம் தமிழ் பாடும் குருவி"

மலையாளக் கரையோரம் "என் வீட்டுத் தோட்டத்தில்"

2008-12-20T02:41:00.000-08:00

ஏஷியா நெட்டில் வரும் அறிமுகப் பாடகர்களுக்கான இசை நிகழ்ச்சியான ஐடியல் ஸ்டார் மிகவும் சிறப்பானதொரு நிகழ்ச்சியாகும். அந்த அளவு பிரமாண்டத்தையும், கச்சிதமான நிகழ்ச்சி வடிவமைப்பையும் தமிழ் தொலைக்காட்சிகளே இன்னும் அளிக்காத நிலையும் இந்த நிகழ்ச்சியில் இன்னோர் சிறப்பம்சம் தமிழ் சினிமாப் பாடல்களையும் கலந்து கட்டித் தருவது. அந்த வகையில் ஜென்டிமேன் திரையில் வந்த மிகச்சிறந்ததொரு பாடலான "என் வீட்டுத் தோட்டத்தில்" என்ற பாடலை இரு வேறு நிகழ்ச்சியில் ஏஷியா நெட்டிலும், கைரளியிலும் பாடிய பாடல்களை இங்கு தருகின்றேன்.

ஆர்யா, துஷாருடன் பாடுகிறார்

துர்கா விஸ்வநாத், விதுபிரதாபனுடன் பாடுகிறார்

சிறீஜா, ஆண்பாடகருடன் பாடுகிறார்

மூலப்பாடலை சுஜாதா, எஸ்.பி.பியுடன் பாடுகின்றார்

திரைக்கலைஞர் B.R சோப்ரா நினைவாக

2008-11-05T02:50:00.000-08:00

B.R சோப்ரா என்ற Baldev Raj Chopra இன்று தனது 94 வது வயதில் காலமாகியிருக்கின்றார். இந்திய சினிமாவில் முக்கியமான படைப்பாளிகளில் ஒருவர் இவர். பாகிஸ்தானின் லாகூர் பல்கலைக்கழகத்தில் ஆங்கில இலக்கியத்தில் முதுமாணிப் பட்டம் பெற்ற இவர் சினிமாவின் மேல் கொண்ட தீரா ஆசையால் சினிமா நிருபராக தன் சினிமா வாழ்வை ஆரம்பித்து, நடிகராக, இயக்குனராக, தயாரிப்பாளராக இருந்தவர். இவரின் சகோதரர் யாஷ் சோப்ராவும் ஒரு பெரும் தயாரிப்பாளர்.

பி.ஆர்.சோப்ராவும் யாஷ் சோப்ராவும்

எண்பதுகளின் இறுதியிலே 1988 இல் ஆரம்பித்து 1990 வரை தூரதர்ஷனில் தொடராக இவர் தயாரித்து இவரின் மகன் ரவி சோப்ரா இயக்கிய மஹாபாரத் என்ற மெகா தொடர் இன்று வரை தொலைக்காட்சித் தொடர்களில் மைல் கல். இந்த பிரமாண்டத் தொடரை அதற்கு முன்னர் எந்தத் தொடருமே மிகுந்த பொருட்செலவிலும், உயர் தயாரிப்புத் திறனிலும் எட்டவில்லை.

இவர் தயாரித்த மஹாபாரத் தொடரின் ஆரம்பக் காட்சி ஒன்று

இவர் இயக்கிய Hamraaz (1967) படத்தின் பாடல்கள் இரண்டு

இவர் கதைஎழுதிய Baghban (2003) படப்பாடல்

தகவல் குறிப்பில் உதவி: விக்கிபீடியா
புகைப்படங்கள்: http://www.bollywoodhungama.com
youtube: பல்வேறு தனிநபர் கோப்புக்கள்

தியாகத்தின் எல்லையை மீறிய பிள்ளை

2008-09-26T04:10:00.000-07:00

யாழ்ப்பாணத்தின் ஊரெழு என்ற சிற்றூரின் மைந்தன், யாழ்பல்கலைக்கழக மருத்துவ பீட மாணவன் இராசையா பார்த்திபன் என்னும் லெப்டினட் கேணல் திலீபன் தியாக தீபமாய் மறைந்து இன்றோடு 21 ஆண்டுகள் கழிந்து விட்டன.

சிறீலங்கா ராணுவத்தின் அடக்குமுறைகளுக்கு எதிராக தம் உயர்கல்வியை உதறித்தள்ளி ஆயுதப் போராட்டமே சரியான வழி என்ற வகையில் அணி திரண்டவர்களில் திலீபன் அண்ணாவும் ஒருவர்.

ராஜீவ் - ஜெயவர்த்தனா ஒப்பந்தத்தின் மூலம் தமிழ்மக்களின் வாழ்வாதாரங்கள் காகிதத்தில் மட்டும் பேசப்பட்ட போது ஐந்து அம்சக் கோரிக்கைகளை முன் வைத்து அறவழிப்போராட்டத்திலும் தன் பங்கைக் காட்டியவர் திலீபன் அண்ணா.

1. மீளக்குடியமர்தல் என்ற பெயரில் வடக்கிலும் கிழக்கிலும் புதிதாக திட்டமிடும் குடியேற்றங்களைத் தடுத்து நிறுத்தவேண்டும்.
2. சிறைக் கூடங்களிலும் இராணுவ பொலிஸ் தடுப்பு முகாம்களிலும் தடுத்துவைக்கப்பட்டுள்ள தமிழ் அரசியற் கைதிகள் யாவரும் விடுதலை செய்யப்படவேண்டும்.
3..அவசரகாலச் சட்டம் முழுமையாக நீக்கப்படவேண்டும்.
4. ஊர்காவல் படையினருக்கு வழங்கப்பட்ட ஆயுதங்கள் முற்றாகக் களையப்படவேண்டும்.
5. தமிழர் பிரதேசங்களில் புதிதாக பொலிஸ் நிலையங்களைத் திறப்பதற்கு மேற்கொள்ளப்படும் நடவடிக்கைகள் முற்றாக நிறுத்தப்படவேண்டும்.

என்பனவே அந்தக் கோரிக்கைகள். அந்தக் கோரிக்கைகள் இன்னும் தொடர்கின்றன.

பாடசாலைகளே திரண்டு நல்லூருக்குப் படையெடுத்து திலீபன் அண்ணாவின் நீராகாரம் கூட அருந்தாத அறவழிப் போராட்டத்தைக் காணச் சென்றபோது காற்சட்டைப் பையனாய் அவரைப் போய்ப் பார்த்த காலம் இன்னும் பசுமையாய் இருக்கு. அந்தப் பன்னிரண்டாம் நாள் இதே நாள், 21 வருஷத்துக்கு முன்னர் நிதர்சனம் தொலைக்காட்சியில் தியாகி திலீபன் அண்ணாவின் வெற்றுடல் சாய்ந்திருக்க, அவரை பரிசோதிக்க நிதமும் வரும் வைத்தியர், சோதித்து விட்டு அவரைக் மூன்று முறை கும்பிட்டவாறே அப்படியே அசையாது நிற்க, முன்னே குழுமியிருந்த மக்கள் குமுறிக்கொண்டே பேரிரைச்சலோடு அழுது தொலைத்த கணங்கள் அவை.

அந்தப் பன்னிரண்டு நாட்களை கவிஞர் வாஞ்சிநாதன் அவர்கள் "திலீபனுடன் பன்னிரண்டு நாட்கள்" என்ற நூலினை எழுதியிருக்கின்றார். அதனை யாழ் இந்துக் கல்லூரி பழைய மாணவர்கள் குரல்வடிவம் கொடுத்துத் தயாரித்ததை இங்கே பகிர்கின்றேன்.

முதலாம் நாள்

இரண்டாம் நாள்

மூன்றாம் நாள்

நான்காம் நாள்

ஐந்தாம் நாள்

ஆறாம் நாள்

ஏழாம் நாள்

எட்டாம் நாள்

ஒன்பதாம் நாள்

பத்தாம் நாள்

பதினோராம் நாள்

பன்னிரண்டாம் நாள்

தியாகி திலீபன் முழு ஆவணத் தொகுப்பு

ஒலித்தொகுப்பு நன்றி: யாழ் இந்து பழைய மாணவர் சங்கம்

புகைப்படங்கள் நன்றி: அகிலன் தளம், இலங்கை தமிழ் சங்கம் அமெரிக்கா

மொழி தாவிய மெட்டுக்கள் "சங்கத்தில் பாடாத கவிதை"

2008-09-24T03:38:00.000-07:00

இன்றைய இசைத் தொகுப்பு பகுதியிலே நான் தரவிருப்பது, ஒரே மெட்டு திரையிசையாக தமிழ், தெலுங்கு மலையாளப் பாடல்களாக வந்திருப்பதை அப்பாடல்களோடு இணைத்துத் தருகின்றேன்.

மூன்றாம் பிறை படத்தில் இடம்பெற்ற பின்னணி இசைக்கோர்ப்பு ஒன்றை அப்பட இயக்குனர் பாலுமகேந்திரா, தனது ஓளங்கள் மலையாளப்படத்தின் பாடல் வடிவமாக்கித் தருமாறு இசையமைப்பாளர் இளையராஜாவைக் கேட்கவும் அவர் அப்படியே மலையாளப்பாடலாக்கிக் கொடுத்திருந்தார். அப்பாடல் "தும்பிவா தும்பக் குடத்தில்" என்று ஜானகி பாடியிருப்பார்.

பின்னர் இப்பாடல் மெட்டு " சங்கத்தில் பாடாத கவிதை" என்று இளையராஜாவும், எஸ்.ஜானகியும் ஓட்டோ ராஜா தமிழ்த் திரைப்படத்தின் காதல் ஜோடிப் பாடலாக அமைந்தது.

தொடர்ந்து அதே மெட்டு பாலுமகேந்திராவின் "நிரீக்சனா" என்ற தெலுங்குப் படத்தில் " ஆகாசம் ஏனாதிதோ" என்ற பாடலாகவும் அமைந்தது.

ஹிந்தி வடிவில் Aur Ek Prem Kahani படத்திற்காக

ஹிந்தியில் "Paa" படத்திற்காக

மலையாளக் குயில் துர்கா விஸ்வநாத் பாடும் "தும்பி வா"

மங்களூர் சிவாவுக்கும் ஜெர்மன் பூங்கொடிக்கும்

2008-09-07T01:02:00.000-07:00

சிவராமன் என்ற மங்களூர் சிவாவுக்கும் அவர் நண்பி ஜெர்மன் பூங்கொடிக்கும் திருமணம் நடைபெற உள்ளது.

வரும் செப்டம்பர் 11, 2008 தேதி வியாழன்
காலை 7.30 - 9.00 க்குள்
வடபழனி முருகன் ஆலயத்தில்

அனைவரும் தம்பதிகளை நீடூழி காலம் சீரோடும் சிறப்போடும் வாழ, இரண்டு பாடல் பரிசுகளோடு வாழ்த்துவோம் ;)

மங்களூர் சிவா - ஜெர்மன் பூங்கொடிக்கு இனிய திருமண நல்வாழ்த்துக்கள்

ஜெர்மனியின் செந்தேன் மலரே.....

இருவிழியோ சிறகடிக்கும்....

"பூங்காற்று புதிதானது" கமலுக்கு ஹிந்தி ரஜினிக்கு தமிழ்

2008-09-03T05:15:00.000-07:00

கமல்ஹாசன் நடித்த மூன்றாம் பிறை திரைப்படம் கதையில் மட்டுமல்ல, பாடல்களாலும் மனசை வருடிய திரைப்படம். இப்படத்தின் முத்தான பாடல்களில் கே.ஜே.ஜேசுதாஸ் பாடிய "பூங்காற்று புதிதானது" பாடல் விலக்கமுடியாத ஒன்று.

இப்படம் ஹிந்தியில் சத்மா என்று எடுக்கப்பட்டப் போது அந்தப் பாடலின் மெட்டைக் கொஞ்சம் மாற்றி இசையில் ஏறக்குறைய ஒரே மாதிரி வாத்தியப் பின்னணியோடு சுரேஷ் வட்காரை வைத்துப் பாடவைத்தார் ராஜா.

பின்னர் ஹிந்திப் பாடலின் மெட்டையும் இசையையும் மீண்டும் தமிழுக்கு கொண்டு வந்து எஸ்.பி.பாலசுப்ரமணியம் குரலில் "என் வாழ்விலே" என்ற பாடலாக, ரஜினி நடித்த "தம்பிக்கு எந்த ஊரு" திரைப்படத்தில் பயன்படுத்தினார் இளையராஜா. இசையில் வித்தியாசத்தை மட்டுமல்ல, புதுமையையும் படைத்தார் ராஜா என்பதற்கு இதுவோர் உதாரணம்.

கமல்ஹாசன் நடித்த "சத்மா" ஹிந்திப் படத்தின் பாடல் Ae zindagi gale laga le (You tube by: diyakakapeepee)

இதே பாடல் மெட்டும் இசையும் ரஜினி நடித்த "தம்பிக்கு எந்த ஊரு" படத்தில் என் வாழ்விலே" (You tube by:llBthere)

மேலே காட்டிய பாடல்களுக்கு மூலமான மூன்றாம் பிறை படப்பாடல் "பூங்காற்று புதிதானது"(You tube by: rameshrajamani)

"கே.ஆர்.எஸ் சிறப்பு" கண்ணன் பாட்டுக்கள்

2008-08-09T08:27:00.000-07:00

இன்று பிறந்த நாளைக் கொண்டாடிக்கொண்டிருக்கும், பதிவுலக ஆன்மீகச் செம்மல் கண்ணபிரான் ரவி ஷங்கரை வாழ்த்தி அவர் பாணியில் வழக்கமாக அவர் கொடுக்கும் கண்ணன் பாட்டுக்களுக்காக இங்கே சில மலையாள மொழி பேசும் கண்ணன் பாட்டுக்கள்.
மீண்டும் நம்ம கே.ஆர்.எஸ்ஸுக்கு ஒரு ஸ்பெஷல் வாழ்த்து ;)

"அம்பாடி தண்ணில் ஒரு உன்னி" தனிப்பாடல்

"எந்தே கண்ணனு கருப்பு நிறம்", போட்டோகிராபர் மலையாளத் திரைப்படத்தில் இருந்து

"தாமரக் கண்ணன் உறங்கேணும்" வாத்சல்யம் மலையாளத் திரைப்படத்தில் இருந்து

சுப்ரமணியபுரம் நாயகி வந்த கதை

2008-08-02T08:04:00.000-07:00

சுப்ரமணியபுரம் பார்த்து முடித்தேன். எதிர்பார்ப்புக்கும் மேலாகச் சிறப்பானதொரு படைப்பாக இருந்தது. Coffee with Anu வில் "சுப்ரமணியபுரம்" குழுவின் நிகழ்ச்சி வந்திருந்தது. அதில் இயக்குனர் சசிகுமார் தெலுங்கில் செல்வராகவன் இயக்கிய "Aadavari Matalaku Ardhalu Verule" படத்தில் த்ரிஷாவின் தங்கையாக நடித்த ஸ்வாதியின் நடிப்பால் கவரப்பட்டு அவரை ஒப்பந்தம் செய்ததாகச் சொல்லியிருந்தார். அந்தப் படத்தின் வீடியோவைத் தேடிப் பிடித்து இங்கே கொடுத்திருக்கின்றேன்.

Coffee with Anu வில் நாயகி ஸ்வாதி

பிடித்த ரஜினி பத்து...!

2008-07-31T02:25:00.000-07:00

மனசை இலேசாக்கும் படைப்புக்கள் மட்டுமன்றி, பாரமாக இறங்கும் பாத்திரங்களாகவும் நடித்த ரஜினிகாந்த்தின் படங்களில் எனக்குப் பிடித்த பத்துப் படங்கள் இவை. மனம் சஞ்சலப்படும் வேளையில் ரஜினியின் நகைச்சுவை கலந்த படங்கள் அருமருந்து.

கடந்த மார்ச் மாதம் மலேசியாவின் மலாக்கா நகர் போன போது ஒரு வீடியோக்கடையின் கண்ணியில் தென்பட்ட ரஜினியின் அழகான வால்பேப்பரை அப்படியே என் கமராவில் சுட்டிருந்தேன். அந்தப் படத்தைப் போடவும் ஒரு வாய்ப்புக் கிட்டியிருக்கு ;-)

கீழே நான் தரும் படங்களின் வரிசை அவை வந்த ஆண்டில் தான் இருக்கின்றன. என் ரசனைத் தர வரிசையில் அல்ல. இங்கே தேர்ந்தெடுத்த காட்சிகளின் யூடிப் உரிமைதாரார்களுக்கு நன்றி

முள்ளும் மலரும் (1978)

ஆறில் இருந்து அறுபது வரை (1979)

பில்லா (1980)

நெற்றிக்கண் (1981)

நான் சிவப்பு மனிதன் (1985)

ராஜாதி ராஜா (1989)

தளபதி (1991)

அண்ணாமலை (1992)

மன்னன் (1992)

பாட்ஷா (1995)

.:: மை ஃபிரண்ட் ::. இன் ஹாப்பி டே இன்று ;-)

2008-07-21T00:00:00.000-07:00

நம்ம வலையுலக பாட்டுச் சுனாமி, சுஜாதா ரசிகர் மன்றத்தின் ஒரே ஒரு தலைவி, இளயதளபதி படம் பிடிச்சாலும் சித்துவின் தீவிர ஏஸி (விசிறியை விட பெட்டர்)

.:: மை ஃபிரண்ட் ::. இன் பிறந்த நாள் இன்று. அவருக்குப் ப்ரியமுடன், துள்ளாத மனமும் துள்ள பல்லாண்டு காலம் சீரோடும் சிறப்போடும் வாழ வாழ்த்துச் சொல்லி அமர்கின்றோம் அவரின் உலகெங்கும் சந்து, குறுக்கு ஓடை, மேல் மாடி, கீழ்மாடி, குடிசை, மேன்ஷனில் வாழும் ப்ரெண்ட்ஸ்.

தங்கைக்கோர் கீதமாக நாம் தருவது

அவருக்காக "ஓ மை ஃபிரண்ட்" (மை ஹாப்பி டேஸ் பாட்டு)

சுஜாவின் ரசிகையான .:: மை ஃபிரண்ட் ::.க்கு கொடுக்கும் ஸ்பெஷல் கிப்ட் இது

காலம் மறக்காத Bobby பாடல்

2008-07-19T06:52:00.000-07:00

Bobby திரைப்படம் 1973 இல் ராஜ்கபூர் இயக்கத்தில் அவர் மகன் ரிஷிகபூர் நாயகனாக நடித்த படம். அவரோடு ஜோடி சேர்ந்தவர் டிம்பிள் கபாடியா. அந்தக் காலகட்டத்தில் வந்த சிறப்பான பாடல்கள் வரிசையில் Bobby திரைப்படப் பாடல்களும் இடம்பிடித்துக் கொண்டன. அதிலும் குறிப்பாக Main shayar to nahin என்ற பாடல் இத்தனை வருடங்கள் கழித்தும் மலைத்தேனாய் இனிக்கும் பாடல்.

லஷ்மிகாந்த்-பியாரிலால் இசையில் சைலேந்திர சிங் பாடும் அந்தப் பாடல் இதோ

இந்தப் பாடல் பின்னர் Hum Tum என்ற படத்தில் இருபது வருடங்கள் கழித்து அதே ரிஷிகபூருடன், படத்தின் நாயகன் சையிப் அலிகான் தோன்றிப் பாடும் காட்சி

தொலைக்காட்சி இசை நிகழ்ச்சியில் நடுவராக வந்த ரிஷிகபூர் தம்பதிகள் முன் பாடும் பாடகர், பின்னர் ரிஷிகபூரும் பாடுகின்றார்

நெல்சன் மண்டேலா - 90

2008-07-18T02:09:00.000-07:00

"இந்தப் போரில் ஒருவர் வெற்றி பெறுவார். மற்றவர் தோல்வி காண்பார். ஆனால், போரின் பின்னர் நாட்டின் சாம்பல் மேட்டில் நின்றாவது வெற்றி பெற்றவரும் தோல்வி கண்டவரும் ஒரே மேசையில் அமர்ந்து பேசத்தான் வேண்டும். உங்களுக்கே வெற்றி என்று நீங்கள் நினைக்கிறீர்கள். நாமே வெற்றி பெறுவோம் என்று நாங்கள் நினைக்கின்றோம்.

ஆனால், பெறுமதியான பகையாளிகள் என்ற வகையில் ஒருவரை மற்றவர் மதிப்பதற்கான வாய்ப்பை எம்மிடம் இருந்து அபகரித்து தவறிழைத்து விடாதீர்கள். இணக்கமான கருத்தைக் கொண்டவர்களாக இல்லாவிட்டாலும் நீங்களும் நாங்களும் எதிரிகளாக இருந்தாலும் உங்களை மதிப்பதற்கு ஒரு சந்தர்ப்பத்தை எங்களுக்குத், தாருங்கள்"
- நெல்சன் மண்டேலா ஐலண்ட் சிறையின் நிலைவரங்கள் குறித்து சிறைச்சாலை ஆணையாளரான வெள்ளையினத்தவர் ஜெனரல் ஜே.சி.ஸ்ரெயினுடன் பேசுகையில் சொன்னது.( தமிழீழ விடுதலைப்புலிகளின் முன்னாள் அரசியற் பிரிவுத் தலைவர் பிரிகேடியர் தமிழ்ச்செல்வன் ஒருமுறை ஜேவிபி இனவாதக் கட்சிக்கு இதை மேற்கோளிட்டிருந்தார், நன்றி தமிழ் நேசன் தளம்)

ஜீலை 18, 1918 இல் பிறந்த ஆபிரிக்கச் சிங்கம் நெல்சன் மண்டேலாவுக்கு இன்றோடு வயது 90 ஆகின்றது. நிறவெறி அரசுக்கு எதிராகப் போராடி 27 வருட சிறைவாசம் அனுபவித்து, பின்னர் 1990 இல் அவர் சுதந்திரக் காற்றைச் சுவாசித்த போது தன் உடன்பிறப்புக்களுக்கும் ஒரு விடியலை ஏற்படுத்தினார். தென் ஆபிரிக்காவில் ஜனநாயக முறைப்படி தேர்ந்தெடுக்கப்பட்ட முதல் அதிபர் ஆனார். நோபல் கமிட்டி அவருக்கு சமாதான விருதைக் கொடுத்தது. ஒருகாலத்தில் ஒதுக்கிய தேசங்கள் சிவப்புக் கம்பளம் இட்டு வரவேற்றன.இவரின் வாழ்வின் சரிதம் Long Walk to Freedom என்ற பெயரில் வடிக்கப்பட்டிருக்கின்றது. நெல்சன் மண்டேலா - சுதந்திரத்திற்கான விலையையும், உறுதியையும் கண் முன் காட்டி நிற்கும் சாட்சியம்.

நெல்சன் மண்டேலாவின் முதல் பேட்டி

நெல்சன் மண்டேலா விடுதலையான தினம், 1990

நெல்சன் மண்டேலாவுக்கான சிறப்புப் பாடல்

நெல்சன் மண்டேலா வாழ்க்கை வரலாறு - பாகம் 1

நெல்சன் மண்டேலா வாழ்க்கை வரலாறு - பாகம் 2

நெல்சன் மண்டேலா வாழ்க்கை வரலாறு - பாகம் 3

நெல்சன் மண்டேலா வாழ்க்கை வரலாறு - பாகம் 4

நெல்சன் மண்டேலா வாழ்க்கை வரலாறு - பாகம் 5

சுப்ரமணியபுரம் - விளம்பரப் பாடல்

2008-07-12T05:54:00.000-07:00

சுப்ரமணியபுரம் திரைப்படம் வருவதற்கு முன்னரே அந்தப் படத்தின் ஸ்டில்ஸ், இயக்குனர் சசிகுமாரின் பேட்டி போன்றவற்றிலிருந்தே இப்படம் பெரியதொரு கவனத்தை ஈர்க்கும் என்று நினைத்திருந்தேன். நான் இன்னும் படம் பார்க்கவில்லை. ஆனாலும் இதுவரை வந்த அப்படத்தின் திரை விமர்சனங்கள் நல்லதொரு விதையை சசிகுமார் விதைத்திருப்பதைக் காட்டியிருக்கின்றது. நீண்ட நாட்களாகத் தொலைக்காட்சிகளின் தொகுப்பாளர் என்ற வேலையைச் செய்து வந்த ஜேம்ஸ் வசந்தனிடம் இவ்வளவு திறமையான இசையமைப்பாளர் இருந்திருக்கிறார் என்பதைக் காலம் கடந்தது தான் தமிழ் சினிமா கண்டு கொண்டது.

விகடனில் வெளிவந்த பேட்டி ஒன்றில் சுப்ரமணியபுரம் படத்தின் விளம்பரத்திற்காக ஒரு பாடலை உருவாக்கியிருப்பதாகவும், அதைப் படத்தில் வைக்க இதுவரை எந்த முடிவும் எடுக்கவில்லை என்று சொல்லியிருந்தார். ஹிந்தித் திரைப்படங்களுக்கு இவ்வாறான விளம்பரப் பாடல்கள் வருவது வழமை. முன்னர் விக்ரம் நடித்த கிங் படத்திற்காகவும் மேலதிகமாகப் பாடல்கள் எடுத்து வீடியோ ஆல்பம் ஆக்க நினைப்பதாகவும் சொல்லியிருந்தார்கள். செய்தார்களோ தெரியவில்லை. இதோ சுப்ரமணியபுரத்துக்காக எடுக்கப்பட்ட அந்த விளம்பரப் பாடல். நன்றி: istreamindia

படத்தின் ட்ரெய்லர்

இசையமைப்பாளர் எஸ்.பி.பாலசுப்ரமணியம்

2008-07-05T02:27:00.000-07:00

பாடகர் எஸ்.பி.பாலசுப்ரமணியம் அவர்கள் ஐம்பது வரையான படங்களுக்கு இசையமைத்தும் இருக்கின்றார். அதில் தெலுங்கில் தான் அதிகம் வந்திருக்கின்றன. இவரின் இசையமைப்புத் திறனுக்கு மிகச் சிறந்த ஒரு உதாரணம் சிகரம் திரைப்படம். கே.பாலசந்தரின் உதவியாளராக அனந்து பலகாலம் இருந்து பின் கவிதாலா சார்பிலேயே எடுத்த படம் அது.

பார்த்திபன் நடித்த தையல்காரன் திரைப்படம், எண்பதுகளில் கலக்கிய கால் இழந்த நடிகை சுதா சந்திரன் நடித்த மயூரி போன்றவற்றிற்கும் இசை இவர் தான். இறுதியாக தன் மகன் சரண் தயாரிப்பில் வந்த "உன்னைச் சரணடைந்தேன்" திரைப்படத்திற்கும் இசை கொடுத்திருந்தார். அப்படத்தின் பாடல்கள் பெரிதாக எடுபடவில்லை. ஆனாலும் இசைஞானி இளையாராஜா, மெல்லிசை மன்னர் எம்.எஸ்.வி, மற்றும் எஸ்.பி.பி ஆகிய மூன்று இசையமைப்பாளர்கள் பாடிய "நட்பு நட்பு" பாடல் ஒரு புதுமை படைத்தது.

ரஜினிகாந்த் நடித்த "துடிக்கும் கரங்கள்" திரைப்படத்தின் இசை கூட எஸ்.பி.பி தான். ஆனால் அவரின் உத்தியோகபூர்வ தளத்தில் கூட அப்படத்தைத் இசையமைப்புப் பட்டியலில் போட மறந்து விட்டார். அப்படத்தில் இருந்து

சந்தனம் பூச மஞ்சள் நிலாவும்

சிகரம் திரைப்படத்தின் எல்லாப் பாடல்களுமே முத்துக்கள் என்றாலும், எடுத்த எடுப்பில் முதலில் என்னைக் கவராவிட்டாலும் இப்போது இந்தப் பாடலை எப்போதும், எத்தனை முறை கேட்டாலும் காதில் தேன் வந்து பாயுது.
"இதோ இதோ என் பல்லவி"

இதோ இதோ என் பல்லவி பாடலை முதற்தடவையாக மேடையில் பாடுகின்றார் எஸ்.பி.பி. இணைந்து பாடுகின்றார் சைந்தவி. எனக்கு மிகவும் பிடித்த, ஆனால் இன்றுவரை அதிகம் பேசப்படாத இசையமைப்பாளர் தாயன்பன் இந்த இசை நிகழ்ச்சியை வழங்குகின்றார். சுமார் 8 வருசங்களுக்கு முன்னர் தாயன்பன் அவுஸ்திரேலியா வந்திருந்தபோது தன்னுடைய முழு இசைக்கலைஞர்களையும் கொண்டு வந்து எந்த வித கீபோர்ட் ஜாலமும் இல்லாமல் நேரடி இசைவிருந்து கொடுத்தவர். தாயன்பன் இசையில் வந்த "உன்னிடத்தில் நான்" என்ற திரைப்படத்தில் "நினைத்தால் உனைத்தான் நினைப்பேன்" என்ற ஜேசுதாஸ், வாணி ஜெயராம் பாடலைக் கேட்டுப்பாருங்கள். (Dhool தளத்தில் அந்தப் பாடலைக் கேட்க) தாயன்பன் திறமை புரியும்.

இசையமைப்பாளர் ரவீந்திரன்

2008-06-29T04:03:00.000-07:00

பாடகர் கே.ஜே.ஜேசுதாஸ் இசைப்பள்ளியில் படிக்கும் போது நண்பராக அறிமுகமானவர் திரு ரவீந்திரன் அவர்கள். பின்னர் ஜேசுதாஸ் திரைத்துறைக்கு வந்து புகழ்பெற்றாலும் ரவீந்திரனால் பெரிய அளவில் பிரகாசிக்க முடியவில்லை. தன் நண்பன் ரவீந்திரனுக்காக ஐ.வி.சசியிடம் வாய்ப்புப் பெற்று சூலா என்ற திரைப்படத்தில் இவரை இசையமைப்பாளராக்கினார்.

ஹிஸ் ஹைனஸ் அப்துல்லா, பரதம் உட்பட பல மலையாளத்திரைப்படங்களில் ரவீந்திரனின் இசை தான் ஹீரோ. கிட்டத்தட்ட 150 படங்களுக்கு மேல் பண்ணியவர். பரதம் திரைப்படத்திற்காக தேசியவிருதும் பல மாநில விருதுகளையும் பெற்றவர். தமிழிலும் ரசிகன் ஒரு ரசிகை உட்பட சில படங்களுக்கு இசையமைத்திருக்கின்றார். இவரின் இசையில் வடக்கும் நாதன் திரைப்படம் வெளிவர முன்னரே 2005 இல் புற்றுநோயால் காலமாகிவிட்டார். இவரின் மகன் கூட ஒரு பாடகரே.

இவரின் தனிப்பாடல் ஒன்றை மலையாள ஏஷியா நெட்டுக்காகப் பாடும் காட்சி

இசையமைப்பாளர் ரவீந்திரன் இசையில் வந்த சில பாடல்கள்

Fim: His Highness Abdullah

Film:Bharatam

Film: Nandanam

Fim: David David Mr. David

Album: Ponnona Tharangini

Film: Tharattu (1981)

Sukhamo Devi (1986)

Fim: Vadakkum Nathan

மலையாளம் பறயும் கமல்ஹாசன்

2008-06-26T21:54:00.000-07:00

அவரின் நடிப்புலக ஆரம்பத்தில் நிறைய மலையாளப் படங்களில் நடித்திருத்த காரணத்தினாலோ என்னவோ மலையாள சினிமா உலகு மீது கமல்ஹாசனுக்கு எப்போதுமே அலாதிப் பிரியம். சில மாதங்களுக்கு முன்னர் இவரின் "கமஹாசண்டே ரெண்டு திரைக்கதாக்கள்" என்ற மகாநதி, ஹேராம் திரைக்கதையும் மலையாளத்தில் நூலாக வெளியிடப்பட்டபோது தன் ஓய்வுகாலத்தைக் கேரளாவில் கழிக்க வேண்டும் என்ற ஆசையை வெளிப்படுத்தியிருந்தார். தசாவதாரம் பாடல் வெளியீட்டில் மம்முட்டியின் தனியாவர்த்தனம் திரைப்படத்தைத் தமிழில் நடிக்க ஆசை என்றும் மேடையில் சொல்லியிருக்கிறார்.

எண்பதுகளில் இவரின் நாயகன் திரைப்படம் கொடுத்த புகழும், வெற்றியும் இருந்தாலும் குறுகிய வர்த்தகச் சந்தை வாய்ப்புள்ள மலையாளத் திரையுலகிலும் டெய்சி, சாணக்யன் ஆகிய படங்களில் நடித்திருப்பார். சாணக்யன் திரைப்படம் பின்னர் தமிழில் மொழி மாற்றப்பட்டும் வெளியானது. இதோ சாணக்யன் மலையாளத் திரைப்படத்தில் இருந்து ஒரு காட்சி.

சாணக்கியன் படத்தின் ஆரம்பம்

சாணக்கியன் படத்தின் இறுதிக்காட்சி

கமல்ஹாசன் நடித்த மலையாளத் திரைப்படங்கள் சிலவற்றின் பாடற் காட்சிகள்

kanyakumari

Sathyan savithri

Madhanotsavam

Premabhishekam

Appoopan

Laalanam

மீரா நந்தன் வருகவே :-(::)

2008-06-19T04:13:00.000-07:00

மீரா ஜாஸ்மின் மாண்டலின் இசைக்கப் போய்விட்டார். கோபிகா அயர்லாந்துக்குப் போகிறாராம். பாவனா சுந்தரத் தெலுங்கில் பாட்டிசைக்கப் போய்விட்டார். மல்லுவூட் என்ன செய்யும்? இதோ புத்தம் புது தயாரிப்பு, மீரா நந்தன். இயக்குனர் பாசிலின் உதவி இயக்குனர்களாக இருந்து பின் இரட்டை இயக்குனர்களாக உருவெடுத்த லால் ஜோஷின் புதுப்படமான "முல்லா" மூலம் வலது காலை எடுத்து வைத்திருக்கிறார் மீரா நந்தன் ;-)
தமிழுக்கு "வால்மீகி" படம் மூலம் வருகிறார்.

இதோ முல்லா படத்தில் இருந்து வித்யா சாகர் இசையில் சில தேன் மெட்டுக்கள். கூடவே போனஸாக மீரா நந்தன் பறயும் பேட்டி ஒண்ணு கேட்டோ

தசாவதாரம் நானும் பார்த்தேன்

2008-06-14T05:48:00.000-07:00

"உரக்கப் பேசும், உரக்க நடிக்கும் தமிழ் சினிமாவில் சற்று மென்மையாக, கற்பனையுடன், நம்பும் படி நடக்கும் கமல்ஹாசனிடம் தமிழில் நவசினிமாவில் உதயத்தை எதிர்பாக்கின்றேன்".
(சுஜாதாவின் கணையாழியின் கடைசிப்பக்கங்கள் அக்டோபர் 1976, இகாரஸ் பிரகாஸின் வலையில் மீள இட்டிருந்தார்).

இப்படம் குறித்த ஏற்கனவே வந்த எந்த விதமான வலையுலக விமர்சனங்களையோ, கதைச்சுருக்கத்தையோ வாசிக்காமல் இப்போது தான் தசாவதாரத்தை பார்த்துவிட்டு வந்திருக்கிறேன். ஒவ்வொருவர் பார்வையில் கமல்ஹாசன் குறித்த எதிர்ப்பார்ப்போ அல்லது இப்படத்தின் பிரமாண்டம் கொடுத்த எதிர்பார்ப்போ அவரவர் ரசனையைத் தீர்மானித்திருக்கலாம். ஆனால் என்னைப் பொறுத்தவரை படத்தின் ஆரம்பம் முதல் முடிவுவரை கட்டிப் போட்டு விட்டது என்றுதான் சொல்வேன். தெனாலி பார்க்கப் போய் மகாநதி கமலைத் தேடுவதும், ஹேராம் பார்க்கப் போய் மைக்கேல் மதன காமராஜனைத் தேடுவதும் தான் விமர்சனமாக அமையும் என்றால் அதை இப்படத்திற்கு செய்ய மாட்டேன்.

சில உறுத்தல்களை மட்டும் சொல்லிவைக்கிறேன்.
1. சோழமன்னனாக வரும் நெப்போலியனின் "தமிள்"
2. கமல் - அசினின் நீளமான அலும்புகள்
3. சில காட்சிகளில் வரும் புஷ், ஜப்பானியன், நெட்டை மனிதன், வில்லன் வேடங்களின் அதீத மேக்கப் உறுத்தல்கள்.

படம் முடியும் போது வரும் திரைப்பட உருவாக்கத்தில் ஈடுபட்டோர் குறித்த எழுத்தோட்டங்களில் கதை விவாதக் குழுவில் அமரர் சுஜாதாவும் இருக்கிறார்.
32 வருடங்களுக்கு முன்னர் கணையாழியில் அவர் சொன்னதை அவரே மெய்ப்பிக்க உதவிப் போயிருக்கிறார்.

பி.கு: என் பார்வை எல்லோர் பார்வையை ஒத்திருக்கவேண்டும் என்ற எந்த வித அவசியமும் இல்லை.

எனக்கு பிடித்த தசாவதாரம் கமல்கள் ஒழுங்கின் படி
1.பூவராகன் என்னும் சமூகப் போராளி
2. ரங்கராஜன் நம்பி என்னும் வைணவ பக்தர்
3. பல்ராம் நாயுடு என்னும் குடிவரவு அதிகாரி
4. சிதம்பரம் கிருஷ்ணா பாட்டி
5. ஜப்பானிய அண்ணன்
6. பாடகர் அவதார் சிங்
7. பத்தடி உயர காலிஃபுல்லா
8. புஷ்
9.வில்லன்
10. கோவிந்தராஜன் என்னும் வழக்கமான முகம் மழித்த ஹீரோ

கமல் ஹாஸ்யம் 10

2008-06-13T02:34:00.000-07:00

கமல்ஹாசனின் சீரியஸ் நடிப்புக்குப் பல உதாரணங்கள் போல, நகைச்சுவை நடிப்பிலும் அதீத ஈடுபாடு கொண்டு பல படங்களில் நடித்தவர். கிரேசி மோகன் வசனக் கூட்டணியில் மிகவும் அதிகமான படங்களில் நடித்த நட்சத்திரமும் இவரே. நடிகர் கமல்ஹாசனின் நகைச்சுவைப் பாத்திரப் படைப்புக்களில் சிலவற்றை இங்கே பகிர்கின்றேன்.

புன்னகை மன்னன் (1986)
கதாபாத்திரம்: சாப்ளின் செல்லப்பா

மைக்கேல் மதன காமராஜன் (1991)
கதாபாத்திரம்: காமேஸ்வரன்

சிங்காரவேலன் (1992)
கதாபாத்திரம்: வேலன்

சதிலீலாவதி (1995)
கதாபாத்திரம்: சக்திவேல் கவுண்டர்

அவ்வை சண்முகி (1996)
கதாபாத்திரம்: சண்முகி மாமி

காதலா காதலா (1998)
கதாபாத்திரம்: ராமலிங்கம்

தெனாலி (2000)
கதாபாத்திரம்: தெனாலி சோமன்

பஞ்சதந்திரம் (2002)
கதாபாத்திரம்: ராம்

பம்மல் கே சம்பந்தம் (2002)
கதாபாத்திரம்: பம்மல் கே சம்பந்தம்

வசூல்ராஜா எம்.பி.பி.எஸ் (2004)
கதாபாத்திரம்: ராஜா

எனக்குப் பிடித்த 10 கமல்(கள்)

2008-06-12T02:00:00.000-07:00

தசாவதாரம் வரும் வேளை, தமிழில் எனக்கு மிகவும் பிடித்தமான நாயகன் கமலின் படங்களில் பத்துப் படங்களின் கதாபாத்திரங்களை இங்கே காட்சிப்படுத்துகின்றேன்.
இவற்றைத் தவிர மேலும் வறுமையின் நிறம் சிகப்பு, பதினாறு வயதினிலே, இந்தியன் என்று பட்டியல் நீண்டாலும் என்னைப் பொறுத்தவரை அவையெல்லாம் இந்தப் பட்டியலின் பின்னர் தான் வைத்துப் பார்ப்பேன். இங்கே கொடுக்கப்பட்டவை தரவரிசையில் அமைந்தவை அல்ல. வெளிவந்த ஆண்டுகள் வரிசையில் இருக்கின்றன.
Youtube மூலத்தொடுகை கொடுத்தவர்களுக்கு தனித்தனியான நன்றிகள்.

மூன்றாம் பிறை (1982)
கதாபாத்திரம்: சிறீனிவாசன் என்னும் பள்ளி ஆசிரியர்

சலங்கை ஒலி/சாகர சங்கமம் (1983)
கதாபாத்திரம்: பாலகிருஷ்ணா என்னும் நடனத்தில் சாதிக்கத் துடிக்கும் இளைஞன்

நாயகன் (1987)
கதாபாத்திரம்: வேலுநாயக்கர் என்னும் பாதுகாவலன்

சத்யா (1988)
கதாபாத்திரம்: சத்தியமூர்த்தி என்னும் வேலையில்லாப் பட்டதாரி

அபூர்வ சகோதரர்கள் (1989)
கதாபாத்திரம்: அப்பு என்னும் குள்ள மனிதன்

இந்திரன் சந்திரன் (1990)
கதாபாத்திரம்: இந்திரன் என்னும் வில்லத்தனமான மேயர்

மைக்கேல் மதன காமராஜன் (1991)
கதாபாத்திரம்: காமேஸ்வரன் என்னும் பாலக்காட்டு ஐயர்

குணா (1992)
கதாபாத்திரம்: குணா என்னும் மனப்பிறழ்வு கொண்டவன்

மகாநதி (1993)
கதாபாத்திரம்: கிருஷ்ணா என்னும் அன்பான அப்பாவித் தந்தை

அன்பே சிவம் (2003)
கதாபாத்திரம்: நல்லசிவம் என்னும் சமூக சீர்திருத்தவாதி

பச்சப்பனம் தத்தே பொன்னாரப்பூ முத்தே...!

2008-06-07T06:20:00.000-07:00

M.ஜெயசந்திரன் மலையாளத்தில் தற்போதைய முன்னணி இசையமைப்பாளராக விளங்கிவருகின்றார். கே.ஜே.ஜேசுதாஸ் சிட்னி வந்திருந்த போது தன் இசை நிகழ்ச்சியிலும் இவரைப் பற்றி சிலாகித்துச் சொல்லிப் பாடிய பாடலை இன்றைய வீடியோ பதிவாக்குகின்றேன்.

"பச்சப்பனம் தத்தே" என்னும் இந்த இனிமையான பாடல் நோட்டம் என்னும் திரைப்படத்தில் பொன்குணம் தாமோதரன் இயற்ற கே.ஜே.ஜேசுதாஸ் தனிப்பாடலாகவும், சித்ரா தனிப்பாடலாகவும் பாடியிருக்கின்றார்கள். இசை வழங்கியிருப்பவர் எம்.ஜெயச்சந்திரன். ஒரு கிராமிய நாட்டுப்பாடல் வடிவில் தாலாட்டாக வரும் இந்தப் பாடல் என்றும் கேட்க இதமானது. இந்தப் பாடலைக் கேட்டதுமே இப்படத்தின் ஒரிஜினல் டி.வி.டியையும் வாங்கி வைத்துவிட்டேன். இனிமேல் தான் படத்தைப் பார்க்கவேணும்.

இந்தப் பாடலுக்கான கேரள அரசின் சிறந்த பாடலாசிரியர் விருது பொன்குணம் தாமோதரனுக்கு கிடைத்தது. இதே படத்தில் வேறு ஒரு பாடலான மெல்லே மெலே பாடலைப் பாடிய இசையமைப்பாளர் எம்.ஜெயசந்திரனுக்கும் (சிறந்த பாடகர்), மயங்கி போயி என்ற பாடலைப் பாடிய சித்ராவுக்கும் (சிறந்த பாடகி) கேரள மாநில விருதுகள் கிடைத்தன.

நியூயோர்க்கில் இருந்து சபிதா ஜேசுதாஸ் பாடுகின்றார்

ஒரு சிறுமி பாடுகிறார்

திரைக்கலைஞர் ஜான் அமிர்தராஜ் நினைவாக...!

2008-05-31T06:24:00.000-07:00

"இன்று போய் நாளை வா" படத்தில் வரும் ஹிந்தி வாத்தியாரை ஞாபகம் இருக்குமா உங்களுக்கு? அந்தப் படத்தைப் பற்றிப் பேச ஆரம்பித்தாலே இந்தப் பாத்திரத்தைப் பேசாமல் விடமாட்டார்கள். மகளிடம் ஜொள்ளு விட வந்திருக்கும் விடலையின் நோக்கம் தெரியாமல் இவர் ஹிந்தி வகுப்பெடுக்கும் கண்டிப்பையும் அவஸ்தையையும் சிறப்பாகத் தன் நடிப்பில் காட்டியிருப்பார். அவர் தான் ஜான் அமிர்தராஜ் என்னும் நடிகர். பின்னர் இவர் நடிகராக, கதை வசனகர்த்தாவாகவெல்லாம் இருந்திருக்கிறார். கேம் என்ற படத்தைக் கூட இயக்கியிருக்கிறார். இவரைப் பலருக்குத் தெரிந்திருக்காது ஆனால் இவரின் நடிப்பையும், திரைப்பங்களிப்பையும் ரசித்திருக்கின்றோம். ஜான் அமிர்தராஜ் கடந்த மே 28 இல் மாரடைப்பால் மரணமடைந்திருக்கின்றார். அவரின் நினைவாக "இன்று போய் நாளை வா" திரைப்படத்தில் அவர் தோன்றி நடித்த காட்சி ஒன்று இதோ:
Youtube by: arunsrid

குத்தாட்டம் போடும் கொரியக் குழந்தை

2008-05-17T07:40:00.000-07:00

நேற்று இந்த வீடியோ கிடைத்ததும் பார்த்தேன, வியந்து போனேன். தொலைக்காட்சி நிகழ்ச்சி ஒன்றில் கலந்து கொண்டு ஆடும் கொரியக் குழந்தை என்னமாய் ஆடுகிறாள். ஸ்பிரிங்க் ரோபோ போல இருக்கிறாள். வீடியோவினைப் பரிந்துரைத்த நண்பர் ஆ.கோகுலனுக்கு நன்றி.

"ஆரேரே ஆரேரே" - Happy Days பாட்டு

2008-05-11T03:19:00.000-07:00

Happy Days போன வருஷம் வந்து தெலுங்கில் கன்னாபின்னாவென்று ஓடியபடம். முதலில் தெலுங்கில் வெளியாகிப் பின்னர் மலையாளத்திலும் டப் செய்யப்பட்டு வந்தது. கோதாவரி, பொம்மரிலு வரிசையில் நல்ல பிரதியில் இப்படத்தைப் பார்க்க இன்னும் காத்திருக்கின்றேன்.
இப்படத்தின் பாடல்களில் ஒன்றை தெலுங்கு வடிவிலும், மலையாளத்திலும் பார்த்து ரசியுங்கள்.மிக்கி ஜே மயர் என்னும் புது இசையமைப்பாளர் கலக்கியிருக்கிறார்.
இதை வீடியோஸ்பதிக்காகப் பரிந்துரைத்த .:: மை ஃபிரண்ட் ::. க்கு ஒரு ஓ...

தெலுங்கு வடிவம் "ஆரேரே ஆரேரே" Youtube: syendrapalli

மலையாள வடிவம் "ஐய்யயோ ஐய்யயோ" Youtube: asianetGLOBAL

மலையாளத்தின் திரையிசை விருதுகள் 2007

2008-04-23T02:20:00.000-07:00

கடந்த 2007 ஆம் ஆண்டுக்கான சிறந்த இசையமைப்பாளர் (எம்.ஜெயசந்திரன்), சிறந்த பாடகி (ஸ்வேதா - சுஜாதா மகள்), சிறந்த பாடகர் விஜய் ஜேசுதாஸ் ஆகிய விருதுகள் நிவேத்யம் என்ற ஒரே படத்தில் கிடைத்தது. அப்படத்தில் இடம்பெற்ற அந்த இனிய பாடல் இதோ (ஏதோவொரு 80களில் வந்த தமிழ்ப்பாட்டு வாடை அடிக்குது, இருக்கட்டும்)

கூடவே சிறந்த மலையாளத்தின் சிறந்த திரைப்படம் முதல் பல்வேறு விருதுகளை சூர்யா தொலைக்காட்சி கொடுத்திருந்தது. அதில் தேர்ந்தெடுத்து திரையிசைக்கான விருதுகளைக் கொடுத்த காணொளிகளைத் தருகின்றேன். இதை வீடியோஸ்பதிக்காகப் பரிந்துரைத்த
.:: மை ஃபிரண்ட் ::. க்கு ஒரு ஓ போடுங்க

Surya Awards Best Singer Swetha Mohan

Surya Awards Best Singer Dr KJ Yesudas

Surya Awards Best Music Director

இளைய நிலா மெட்டு ஹிந்தியில் இத்தனை பாட்டு

2008-04-10T02:39:00.000-07:00

"இளைய நிலா பொழிகிறதே" பாடல் இசைஞானி இளையராஜாவின் முத்துக்களில் விலக்கமுடியாதது. இந்தப் பாடல் இடம்பெற்ற "பயணங்கள் முடிவதில்லை" படமே ஒருவருடம் ஓடி வெற்றி கண்டது. குறித்த இந்தப்பாடலில் வரும் கிட்டார் இசையில் சிறப்பை சிலாகிக்காதோர் இல்லையெனலாம். இந்தப் பாடலின் மெட்டு ஹிந்திக்கும் தாவியிருந்தது. சிங்களத்திலும் கேட்டதாக ஞாபகம். இங்கே பாருங்கள் இந்த மெட்டு சமீபத்திய ஹிந்தி ஆல்பங்களில் கூட உலாவுகின்றது.

"இளையநிலா பொழிகிறதே" மூலப்பாடல் (youtube: bollyrules)

ஏஷியா நெட்டில் பாலுவில் சிலாகிப்பு (Youtube: vishu2)

ஹிந்தி திரை வடிவம் Movie : Kalakaar(1983)(Youtube: boyca)

வீடியோ அல்பம் மீள்வடிவம் 1 (Youtube: Sapannn)

வீடியோ அல்பம் மீள்வடிவம் 2 (Youtube: heyguddu)

மொழி தாவிய இசை மெட்டுக்கள் - பாகம் 2

2008-03-08T05:09:00.000-08:00

இன்றைய பகுதியில், சலீல் செளத்ரியின் இசையில் மலர்ந்த பாடல்கள் தமிழ், மலையாள, ஹிந்தி வடிவம் பெற்றதைக் காட்சியோடு ரசிக்கலாம். சலீல் எவ்வளவு அழகாக இந்த மெட்டுக்களை அந்தந்த பிராந்திய மொழிகளுக்கேற்ப மெட்டைச் சிதைக்காமல் இசைக்கருவிகளிலும், குரலிலும் மட்டும் வித்தியாசம் காட்டி இசைய வைத்திருக்கின்றார் என்பதைக் கேட்கும் போது உண்மையில் அவரைப் போற்றத் தான் வேண்டும். இந்திய சினிமா இசையின் இன்னொரு உன்னதக் கலைஞன் சலீல் செளத்ரி.

தமிழில் இந்தப் பாடல்கள் அழியாத கோலங்கள் திரையில் வந்திருந்தன. அதில் வரும் "நான் என்னும் பொழுது" பாடல் என் சாவு வரை தொடர இருக்கும் முதற் தெரிவுகளில் ஒன்று. இந்தப் பாடல் தமிழ், ஹிந்தி தவிர முதலில் பெங்காலியிலும் வந்திருந்தது அப்பாடலை முன்னர் றேடியோஸ்பதியில் இட்டிருந்தேன்.

பூ வண்ணம் போல நெஞ்சம்

மலையாள வடிவம்: Etho Oru Swapnam (1978)

ஒத்திகை ஒன்று

நான் என்னும் பொழுது

ஹிந்தி வடிவம்: Anand

இசை வடிவில்

மொழி தாவிய திரை மெட்டுக்கள்

2008-03-05T01:43:00.001-08:00

வீடியோஸ்பதியில் பல்லின மொழிப்பாடல்களையும் இணைத்து வருவது கண்டு நம்ம நண்பர் ஜி.ராகவன் சில தெலுங்குப் பாடல்களைத் தந்திருக்கின்றார். கூடவே என் பங்கிற்கு புதுசா வந்த காப்பி ஒன்றையும் கடைசியில் தேடிக் கொடுத்திருக்கின்றேன். இந்தப் பாடல்களின் சிறப்பு என்னவென்றால் இவை தமிழிலும் வந்திருக்கின்றன. தமிழில் வந்த பாடல்களைக் கண்டுபிடியுங்களேன்.

1. படம்: Prema Sagaram

2.படம்: Sithara

3.படம்: "Maharshi"

நிறையப்பேரைக் கஷ்டப்படுத்தி கண்டுபிடிக்கமுடியாத இதன் தமிழ் வடிவம் இதோ:
படம்: செண்பகமே செண்பகமே

4. படம்: April 1st Vidudala

5. படம்: Anumanaspadam

பார்வதி பாடும் "ஆசை அதிகம் வச்சு"

2008-02-27T01:23:00.000-08:00

You Tube பை மேய்ந்த போது மலையாள அம்ருதா டிவியில் வரும் சூப்பர் சிங்கர்" சிறுவர் சுற்றில் பார்வதி என்ற சிறுமி பாடிய பாடலை ரசித்த கணம் அவளின் ஊனத்தை மறைத்தது இவளின் சிறப்பான பாட்டும், நடனமும். ஆண்டவன் இவளுக்கு வளமான எதிர்காலத்தைக் கொடுக்கட்டும்.

சிங்கத்தை விரட்டிய வேட்டையன் கவுண்டமணி

2008-02-19T23:58:00.001-08:00

நீண்ட நாளைக்குப் பின் நம்ம தோஸ்து கவுண்டமணி வந்து கலக்கியிருக்கிறார். காட்டில் சிங்கம் ஒன்றிடம் அகப்பட்ட கவுண்டர், தன் துப்பாக்கியையும் தொலைத்து விட்டு தன் மூளை (!) பலத்தால் அந்தச் சிங்கத்தை விரட்டிய கதையைச் சொல்லுகின்றார், கேளுங்கள்.
Youtube: charlesch27

"தீபிகா படுகோன்"

2008-02-08T18:53:00.000-08:00

"ஓம் சாந்தி ஓம்" திரைப்படத்தின் மூலம் பரபரப்பான புது கனவுக்கன்னியாக வந்திருக்கிறார் தீபிகா படுகோன். இவரின் தந்தை பிரகாஷ் படுகோன் ஒரு காலகட்டத்து பிரபல பட்மிண்டன் விளையாட்டுக்காரர். ஆரம்பத்தில் விளம்பரத்துறயில் காலடி வைத்து பின்னர் அவரின் முதல் படமாக உபேந்திராவுடன் கன்னடத்தில் நடித்திருந்த "ஐஸ்வர்யா" திரைப்படம் ஓடாமல் ஓரம் கட்டப்பட்ட படமாம். இப்போது இந்திய அளவில் பேசப்படும் நடிகையாக மாறிவிட்டார்.

தீபிகா படுகோனின் கன்னடத் திரைப்படமான ஐஸ்வர்யாவில் ஒருந்து இரு பாடல்களும், ஓம் சாந்தி ஓம் படப் பாடலையும் இங்கே தருகின்றேன்.

"ஓம் சாந்தி ஓம்" திரைப்பாடல்

"ஐஸ்வர்யா" திரைப்பாடல் ஒன்று

"ஐஸ்வர்யா" திரைப்பாடல் இரண்டு

மனோரமாவிற்காக கமல் பாடிய பாடல்

2008-02-02T05:21:00.000-08:00

"தமிழ் சினிமா 75" என்ற மலேசியாவில் நடிகர்களின் கலை நிகழ்ச்சியை சமீபத்தில் பார்த்திருந்தேன். நாலு மணி நேர நிகழ்ச்சியில் இரண்டு மணி நேர விளம்பரமும், குத்தாட்டமும் நிரம்பியிருக்க, அவற்றை ஓட விட்டுப் பார்த்த நிகழ்ச்சியில் தேறியதை மட்டும் You tube இல் ஏற்றி உங்களோடு பகிரலாம் என்று இந்தப் பதிவைத் தருகின்றேன்.

நடிகை மனோரமாவிற்கான கெளரவமாக இடம்பெற்ற நிகழ்வில், நடிகர் கமலஹாசன் இந்த நிகழ்ச்சிக்கு வராமலே (அதுவும் நல்லதுக்கு தான்), மனோரமாவுடன் இணைந்து போற்றிப் பாடிய "முத்துக்குளிக்க வாரீகளா" பாட்டு புது வடிவில் சிறப்பாக இருந்தது. ஏற்கனவே பாடிவைத்து ஒலிப்பதிவு செய்த கமலஹாசனின் குரலுக்கு நடிகர் பரத் வாயசைக்க மனோரமாவும் கூடவே இணைந்து கொண்டார். ஆனால் சில இடங்களில் அவர் பாடும் கணங்களை மறந்து வாயை மூடி இருந்ததும் கவனிக்கத் தவறவில்லை. இதோ அந்தக் காட்சி.

மலையாள நடிகர் பரத்கோபி நினைவாக..!

2008-01-30T23:27:00.000-08:00

என் மலையாளத் திரைப்பட ரசிப்பில் பரத்கோபியின் படங்களை அங்கொன்றும் இங்கொன்றுமாகப் பார்த்திருக்கின்றேன். ஆனால் இந்த நடிகர் இவ்வளவு பிரபலமானவர் என்பதை இவரின் இறப்புக்குப் பின்னரே தெரிந்து கொண்டேன். இனிமேல் தான் இவரின் படங்களை தேடி எடுத்துப் பார்க்க வேண்டும். சமீபகாலத்தில் இவரின் படம் என்றால் என்னை மிகவும் ஈர்த்தது "ரசதந்திரம்". அதில் நாயகன் மோகன்லாலின் தந்தையாக வந்து தந்தை மகன் உறவில் இவரின் பாத்திரத்தைக் கச்சிதமாகச் செய்திருந்தார்.

பிரபல மலையாள நடிகர் பரத்கோபியின் மரணம் குறித்த யாகூவின் செய்தியைக் கீழே தருகின்றேன்.
திருவனந்தபுரம் (ஏஜென்சி), செவ்வாய்கிழமை, 29 ஜனவரி 2008 ( 17:53 IST )

பிரபல மலையாள நடிகரும் இயக்குனருமான பரத்கோபி இன்று மரணமடைந்தார்.

அவருக்கு வயது 71 ஆகும்.தனது ' கொடியேட்டம் ' படத்திற்காக 1977 ம் ஆண்டுக்குரிய சிறந்த நடிகருக்கான தேசிய விருதை பெற்ற கோபி, கடந்த வாரம் கிருஷ்ணாபுரம் அரண்மனையில் நடைபெற்ற படப்பிடிப்பில் பங்கேற்று நடித்துக் கொண்டிருந்தார்.

அப்போது அவருக்கு திடீர் நெஞ்சு வலி ஏற்பட்டதன் காரணமாக அருகிலுள்ள மருத்துவமனையில் அனுமதிக்கப்பட்டார்.

பின்னர் அவர் திருவனந்தபுரத்தில் உள்ள மருத்துவமனைக்கு கொண்டு செல்லப்பட்டார்.அங்கு அவருக்கு தீவிர சிகிச்சை அளிக்கப்பட்டு வந்த நிலையில், சிகிச்சை பலனளிக்காமல் அவர் இன்று மரணமடைந்தார்.

100 க்கும் அதிகமான படங்களில் நடித்திருக்கும் பரத்கோபி, 3 படங்களை இயக்கி உள்ளார்.இவருக்கு மனைவியும், மகள் மற்றும் மகன் ஆகியோர் உள்ளனர். கடந்த 1991 ம் ஆண்டு பத்மஸ்ரீ விருது இவருக்கு வழங்கப்பட்டது குறிப்பிடத்தக்கது.

ரசதந்திரம் படத்தில் தந்தையாக இவர் தோன்றிய நடிப்பில் சில காட்சிகள்

Kaatathe Kilikkoodu (1983) படத்தில் பரத்கோபி நடித்த பாடற் காட்சி

Ente Mamattukuttiyammakku (1983) படத்தில் பரத்கோபி நடித்த பாடற் காட்சி

Ente Mamattukuttiyammakku (1983) படத்தில் பரத்கோபி நடித்த பாடற் காட்சி

வினீத் ஜோன் ஆப்ரஹாம் என்ற ரசிகர் youtube இல் இணைத்த பரத் கோபியின் வீடியோ

ஹீரோ - வில்லன்...ம்....குட் காம்பினேசன்

2008-01-25T07:09:00.000-08:00

காதல் திரைப்படத்தில் இயல்பான கதைக்களனில், காதலர்கள் புகலிடம் சேரும் மேன்ஷனும் அடங்கும். அதில் நகரத்தில் வேலை தேடி வந்து ஒண்டுக்குடித்தனம் வாழும் இளைஞர்களின் வாழ்க்கையும் காட்சியாக்கப்பட்டிருக்கும்.

இங்கே நான் Youtube ஏற்றி உங்களுக்காகத் தருவது ஒரு நகைச்சுவைக் காட்சி. இயக்குனராகவே வராத ஒருவரிடம், ஹீரோ மற்றும் வில்லன் வாய்ப்புத் தேடிப் போன இருவர் சந்திக்கும் அனுபவம் காட்சியாக விரிகின்றது. நகைச்சுவைக்குப் பின்னால் இருக்கும் யதார்த்தமும் இன்னும் ஒரு படி மேலே இந்தக் காட்சியைக் கொண்டு போகின்றது.

"இன்னும் உங்க கிட்ட நான் நிறைய எதிர்பார்க்கிறேன்" போன்ற வசன வெளிப்பாடு காட்சியை நன்றாக ரசிக்க வைக்கின்றது.

Britney Spears தோன்றும் மலையாளப் பாடல்

2008-01-14T02:50:00.000-08:00

Grammy விருது புகழ் Britney Spears தானே பாடல்களை எழுதி, பாடி, ஆடி நடித்துப் புகழேணியின் உச்சிக்குச் சென்றவர். வழக்கமான பிரபலங்கள் போல் இவரோடு புகழும் சேர சர்ச்சைகளும் சேர்ந்து கொண்டன. ஆனாலும் என்ன, இவர் கொடுக்கும் ஹிட்டான பொப்பிசை இவரின் ரசிகர்களின் கண்ணை மறைக்க, வெற்றியோடு உலா வருகின்றார் இந்த ஆங்கிலக் குயில்.

இங்கே நான் தருவது Britney Spears தோன்றும் ஒரு மலையாளப் பாடல் காட்சி

பிற்குறிப்பு: மொக்கைப் பதிவு வேண்டுகோள் நிறைவேற்றப்பட்டது ;-))

நடிகர் பாண்டியனுக்காக...

2008-01-10T19:19:00.000-08:00

நடிகர் பாண்டியன், 80களில் "மண்வாசனை" திரையில் பாரதிராஜா மூல அறிமுகமாகித் தொடர்ந்து, புதுமைப்பெண், முதல் வசந்தம், ஆண்பாவம், தாய்க்கு ஒரு தாலாட்டு, "காதல் என்னும் நதியினிலே" என்று சொல்லத் தக்க திரைப்படங்களில் நடித்தவர். "கிழக்குச் சீமையிலே" வில்லன் நடிப்பு சினிமாவில் அவருக்கு மீள் வரவாக அமைந்தது.

நடிக்க வருமுன் வளையல் கடையில் வேலை பார்த்த இவர் ஒரு நிலையில் பொருத்தமான பாத்திரங்கள் கிடைக்காமல் பழைய நிலைக்கே போகவேண்டி வந்தது.
கிராமியப்பாத்திரங்களில் கச்சிதமாகப் பொருதும் இவர் சினிமாவில் தகுந்த வழிநடத்தல் இன்றித் திசைமாறிய நடிகர்களில் இவரும் ஒருவர் எனலாம்.

நேற்றோடு அவர் நிரந்தரமாகவே கலையுலகில் இருந்து ஓய்வு பெற்றார். பாண்டியன் நடித்த சில பாடற் காட்சிகள் இதோ:

Photo courtesy: thatstamil.com
Video courtesy: mkumarpalani & techsatish

பொத்தி வச்ச மல்லிகை மொட்டு - மண் வாசனை

கஸ்தூரி மானே - புதுமைப்பெண்

குயிலே குயிலே - ஆண்பாவம்

என்ன கொடுமை இது அம்பயர்?

2008-01-08T02:13:00.000-08:00

ஊரில் இருக்கும் போது கிட்டிப்புள்ளில் இருந்து கிறிக்கற் வரை எனக்கு அளாப்பித் தான் ஆடவரும். அளாப்பி என்றால் என்ன என்று இந்திய நண்பர்கள் பலருக்குத் தெரியுமோ எனக்குத் தெரியாது. கவுண்டர் பாஷையில் "இது ஆவுறதில்லை" ஜாதி.

நடந்து கொண்டிருக்கும் கூத்துக்களைப் பார்க்கும் போது ஒஸ்ரேலியன் கிறிக்கற் ரீம் அளாப்பிகளையே மிஞ்சுவான்கள் போல கிடக்கு.

ஆஸ்திரேலிய அணி சென்னை வந்தால் சிக்கலில்லாமல் வெல்வதற்காக சென்னை 28 இன் Sharks team ஐ வீடியோ வழி பரிந்துரை செய்கின்றேன். (Youtube: பாலு)

Happy New Year வந்ததே....!

2007-12-31T06:40:00.000-08:00

அனைத்துத் தமிழ் உறவுகளுக்கும் பிறந்திருக்கும் 2008 ஆங்கிலப் புதுவருடம் சுபீட்சமான ஆண்டாக மலர வாழ்த்துகின்றேன். தாயகத்தில் அல்லலுறும் எம் உறவுகள் இன்னல் களைந்து நிரந்தரமான சுதந்திரக்காற்றைச் சுவாசிக்கவும் இந்த ஆண்டு வழி சமைக்கவேண்டும் என்று ஆண்டவனை இறைஞ்சுகின்றேன்.

Youtube உதவி: Sunanthan27, mkumarpalani

அண்ணன் மேர்வின் சில்வாவை ஆறுதல் படுத்த

2007-12-27T22:54:00.000-08:00

வணக்கம் மேர்வின் அண்ணா

நேற்று ரூபவாஹினி என்னும் பாசிச மீடியா உங்களின் அறப்போராட்டத்தை நசுக்கியதைக் கண்டு சற்றும் கலங்காமல் நீங்கள் கொண்ட கொள்கையோடு தொடர்ந்து செல்ல வேண்டும் என்று உங்கள் குண்டர்களில் மன்னிக்கவும் தொண்டர்களில் ஒருவனாகக் கேட்டுக் கொள்கின்றேன். நீங்கள் சற்றும் சலியாமல் சிறுபான்மை தமிழர்களை எள்ளி நகையாட வேண்டும் என்றும், உங்கள் மகனுக்கு நாளொன்றுக்கு ஒரு இரவு விடுதியினையாவது அடித்து உடைக்கவும் குழப்பம் விளைவிக்கவும் இருக்கக்கூடிய ஆகக்கூடிய ஜனநாயக உரிகை கிடைக்கவும் தொடர்ந்து போராடவும் கேட்டுக் கொள்கின்றேன்.

You tube இல் அண்ணன் மேர்வினின் வீடியோ கிளிப்புக்களைத் தேடிய போது அவற்றை Comedy என்ற வகைப்பிரிவில் இட்டிருப்பதை வன்மையாக்க் கண்டிக்கின்றோம்.

உங்களைப் போலவே திரையுலகில் இப்படியான லட்சிப்பாத்திரங்களால் கலக்கும் வடிவேலு அண்ணனுக்கும் இப்படி அடிக்கடி நிகழும் அனுபவங்களை ஓய்வாக இருக்கும் போது பார்த்து ஆறுதலடைய வேண்டுகிறேன்.

நன்றி: புகைப்படம் மற்றும் மேலதிக செய்தியை அறிய : புதினம் இணையத்தளம்

சிரச தொலைக்காட்சியின் பாசிசப் போக்கைக் கண்டித்து அண்ணன் மேர்வின் வழங்கிய ஜனநாயகக் குரல்

நேற்று ரூபவாகினி பாசிச மீடியாவில் ஜனநாயகத்தை நிலை நிறுத்த அண்ணன் மேர்வின் மேற்கொண்ட களப் போராட்டம்.

என் பார்வையில் ==> * Taare Zameen Par*

2007-12-26T23:48:00.001-08:00

நேற்று இஷான் அஸ்வதியின் கதையை நானும் Taare Zameen Par இல் கேட்டேன்/பார்த்தேன். என் பார்வையில் இதைச் சொல்ல.........

Taare Zameen Par உத்தியோகபூர்வ இணையத் தளம்:
http://www.taarezameenpar.com/

அமீர் கானின் வலைப்பூ:
http://www.aamirkhan.com/blog.htm

Aamir Khan Speaks

The Making Of Taare Zameen Par

Taare Zameen Par promo

IBN Live Review

Music Release

Shooting of Taare Zameen Par

Taare Zameen Par - Musical Preview

2007 இல் நான் ரசித்த ஹிந்திப்படம் =>Heyy Babyy

2007-12-24T04:36:00.001-08:00

தமிழ், மலையாளம், தெலுங்கு, உலக சினிமா என்று மானாவாரியாக ரவுண்டு கட்டிப் படம் பார்க்கும் நான் ஹிந்திப்படங்களையும் விட்டு வைப்பதில்லை. ஓம் சாந்தி ஓம் ஹிந்திப் பட டிவிடி ஐ வாங்கும் போது போனஸாக கிடைத்த படம் ".Heyy Babyy". அக்க்ஷய்குமார், வித்யா பாலன், பர்தீன் கான், ரித்தேஷ் தேஷ்முக் ஆகியோர் நடித்த இப்படத்தின் இயக்கம் சஜீத் கான்.

அவுஸ்திரேலியாவில் வாழும் மூன்று மன்மதக் குஞ்சுகள் காலை, மதியம், இரவு என்று ஆடை மாற்றுவது போல் பெண் ஜோடி மாற்றுவது இவர்களின் முழு நேரத்தொழில். நாளொரு காதலியும் பொழுதொரு களியாட்டமாக வாழும் இவர்கள் அப்பார்ட்மெண்டில் ஒரு குழந்தை அனாதரவாகக் கிடக்கின்றது. ஆரம்பத்தில் தங்கள் களியாட்ட வாழ்வைக் குலைக்கும் குட்டிச் சாத்தானாக இந்தக் குழந்தையை எடைபோடும் இவர்கள், எதிர்ப்பாராத சம்பவத்தைத் தொடர்ந்து தம் வாழ்வை முற்றிலும் மாற்றி இந்தக் குழந்தைக்கு ஏஞ்சல் என்று பெயரிட்டு இந்த மூவருமே அங்கீகரிக்கப்படாத சுவீகாரத்தந்தையாக மாறுகின்றார்கள்.

தமது கெட்டபழக்கங்களை நிறுத்தி இந்தக் குழந்தையே உலகமாகி விடுகின்றார்கள்.
ஆனால் திடீரென நிகழும் சம்பவமும் அதைத் தொடரும் நிகழ்வுகளும் இந்தக் குழந்தையை இவர்களிடமிருந்து நிரந்தரமாகப் பிரியும் சூழ்நிலை ஏற்படுகின்றது.
அப்போது தான் இன்னொரு அதிர்ச்சியும் இம்மூவரில் ஒருவருக்கு ஏற்படுகின்றது. எல்லாச் சிக்கலும் கழன்று, இக்குழந்தை இவர்கள் கையில் கிடைத்ததா என்பதே இக்கதைச் சுருக்கம்.

இதே போல் நூற்றுச் சொச்சம் கதைகள் வெவ்வேறு மொழியில் வந்திருந்தாலும், பொருத்தமான பாத்திரத் தேர்வு, இசை, நடிப்பு, படம் முழுக்க விரவியிருக்கும் நகைச்சுவை என்று முழுமையான பொழுதுபோக்குச் சித்திரமாகவே இருக்கின்றது.

குட்டிப் பெண் ஏஞ்சலாக வரும் ஜொஹைனாவின் மழலைத்தனத்தை ரீவைண்ட் பண்ணிப் பண்ணிப் பார்த்துக் கொண்டே இருக்கலாம்.

வித்யாபாலனை ஏழு நாட்களுக்குள் ஒரு உருப்படியான கணவன் கிடைக்காமல் செய்ய மூன்று நண்பர்கள் செய்யும் கோல்மால் வேலைகள் வயிறு குலுங்க வைப்பவை.

சங்கர் எசான் லாய் இன் கூட்டு இசையும், Meri Duniya மற்றும் Mast Kalandar போன்ற பாடல்களும் பரவசமூட்டுகின்றன. நாயகர்களுடன் போமன் இரானி, கெஸ்டாக ஒரு பாடலில் வரும் அனுபம் கெர், ஷாருக்கானும் கலக்கியிருக்கின்றார்கள்.

டிசம்பர் விடுமுறையில் நன்றாக மனம் விட்டுச் சிரித்துப் பார்த்து மகிழ வேண்டிய ஒரு பொழுதுபோக்குச் சித்திரம் இது. பார்த்து விட்டுச் சொல்லுங்கள்.

நான் நூற்றுச் சொச்சம் முறை பார்த்து/கேட்டு விட்ட Meri Duniya பாட்டு

கலக்கல் பாட்டு Mast Kalandar

Heyy Babyy Trailer 1

Heyy Babyy Trailer 2

Aap Jaisa Koi - ஆஹா எத்தனை வடிவமடா?

2007-12-22T04:46:00.000-08:00

குர்பானி ஹிந்தித் திரைப்படம் 81 இல் வந்து இந்திய சினிமா உலகையே ஒரு கலக்குக் கலக்கியதை நான் சொல்லியா உங்களுக்குத் தெரிய வேண்டும்?

பெரோஸ் கான் இயக்கித் தயாரித்து அவருடன் வினோத் கன்னாவும் ஹிந்தித் திரையுலகின் அப்போதைய ரம்பா, ஊர்வசி, மேனகை ஆகியோரின் ரீமிக்ஸ் ஜீனத் அமனும் நடித்ததும், கூடவே கல்யாண்ஜி ஆனந்த்ஜியின் கலக்கலான இசையும் இப்படத்தின் அமோக வெற்றிக்கு ஒரு காரணம். இங்கே தரும் பாடலுக்கு இப்படத்தில் இசையமைத்தவர் Biddu.

இருபத்தேழு ஆண்டுகள் கழித்தும் இப்போதைய ரஹ்மான், ஹிம்மேஷ் வகையறாக்களுடன் போட்டி போட்டு முன்னுக்கு வரக்கூடிய பாடலான "ஆப் ஜைசா கோயி" என்ற பாடல் பாடிய பாடகி நாசியா ஹசனுக்கு பெரும் புகழையும் அள்ளிக் கொடுத்தது.

இந்தப் பாடல் எத்தனை வடிவங்களில் விதவிதமாக மாற்றப்பட்டு ரசிக்கப்படுகின்றது என்பதை ஒரு தொகுப்பாக இங்கே தருகின்றேன். இதில் வரும் "American Desi" திரைப்படம், நான் விரும்பிப் பார்த்த படங்களில் ஒன்று. இது குறித்து விரிவான விமர்சனம் ஒன்றைப் பின்னர் தருகின்றேன்.

மூலப்பாடல்

American Desi ஆங்கிலோ இந்தியத் திரைப்படத்தில்

பாடலும் காட்சியும் புது இசைவடிவில்

காட்சி மட்டும் மாற்றம், பாடல் பழசு

செல்போன் விளம்பரத்தில்

பார்த்தேன் சிரித்தேன் - தமிழும் தெலுங்கும்

2007-12-13T02:30:00.000-08:00

வீர அபிமன்யூ என்ற திரைப்படம் தமிழில் ஏ.வி.எம்.ராஜான், காஞ்சனா நடிப்பில் வந்திருந்தது. அதே திரைப்படம் காஞ்சனாவோடு சோபன் பாபு ஜோடி போட்டு வந்தது. இரண்டுக்கும் இசை கே.வி.மகாதேவன்.

தமிழில் வந்த படத்தில் வரும் "பார்த்தேன் சிரித்தேன்" என்ற பாடல் P.B.சிறீனிவாஸ், மற்றும் P.சுசீலா பாடி ஏக பிரபலம். இந்தப் பாட்டின் மெட்டும் இசையும் தெலுங்கில் கண்டசாலாவும் சுசிலாவும் பாடுவதைக் கண்டு ரசியுங்கள். இவற்றைப் பரிந்துரைத்த நண்பர் ஜி.ராகவனுக்கு மிக்க நன்றி ;-)

Tamil You Tube: prakashviswanathan

Telugu You Tube: MadhuraGeetalu

"இதழில் கதை எழுதும் நேரமிது" - ஜேசுதாஸ் to எஸ்.பி.பாலா

2007-12-02T02:45:00.000-08:00

ருத்ரவீணா என்ற படம் கே.பாலசந்தர் தெலுங்கில் இயக்கி சிரஞ்சீவி, ஜெமினி கணேசன், ஷோபனா நடித்தது. இப்படம் இளையராஜாவுக்கு 1988 இற்கான சிறந்த இசையமைப்பாளர் விருதையும் கொடுத்த படமது. இப்படத்திற்குப் புகழ் கிடைத்த அளவுக்கு கல்லாப்பெட்டியை நிறைக்கவில்லை.

நடிகர் கமலஹாசன் தன் வாழ்க்கைத் தொடரை ஜெமினி சினிமாவில் எழுதியபோது தெலுங்கில் தோல்வியைக் கண்ட ருத்ரவீணாவை தன் குருநாதர் கே.பாலசந்தர் வீம்பாகத் தமிழில் எடுத்ததாகக் குறிப்பிட்டிருந்தது இப்போது ஞாபகத்துக்கு வருகின்றது. தமிழில் உன்னால் முடியும் தம்பி என்ற பெயரில் டாக்டர் எம்.எஸ்.உதயமூர்த்தியின் தன்னம்பிக்கை கருத்து நூலின் தலைப்பையே வைத்து, நாயகனுக்கும் உதயமூர்த்தி என்ற பெயரிட்டு கமலஹாசன், ஜெமினி கணேசன், சீதா நடிப்பில் கே.பாலசந்தர் இயக்கி வந்திருந்தது அப்படம். மென்மையான கதாபாத்திரங்களில் ஒரு காலத்தில் நடித்து நீண்ட இடைவெளிக்குப் பின் ஜெமினி கணேசனுக்கு மீள் வரவாக அமைந்த இப்படத்தில் பிலஹரி மார்த்தாண்டம்பிள்ளையாக அவர் கர்ஜித்ததத மறக்க முடியுமா?

இப்பதிவில் தெலுங்கில் ருத்ர வீணாவிலும், தமிழில் உன்னால் முடியும் தம்பியிலும் வந்த ஒரே மெட்டு பாட்டு இரண்டாக காட்சிகளைத் தருகின்றேன். லலிதா ராகத்தில் தெலுங்கில் கே.ஜே.ஜேசுதாஸ், சித்ரா பாடிய அதே மெட்டில் தமிழில் எஸ்.பி.பாலசுப்ரமணியமும், சித்ராவும் பாடியிருக்கிறார்கள். எது நல்ல ஜோடி என்று நினைக்கின்றீர்கள்?

தெலுங்கில் "லலித ப்ரிய கமலம்" (you tube: vasilihari)

தமிழில் "இதழில் கதை எழுதும் நேரமிது ( your tube : bbsarav )

நடிகர் விஜய் சுடப்போகும் அடுத்த படம் :)

2007-11-20T19:36:00.000-08:00

கும்பலாப் படம் பார்க்கப் போன சர்வேசனிலிருந்து, சீடி வாங்கிப்பார்த்த இராம் வரை "அழகிய தமிழ் மகனை" நினைத்து விசும்பி விசும்பி அழுது பதிவு போடும் இவ்வேளை ஆறுதல் கொடுக்கும் முகமாக இதோ ஒரு செய்தி.

தெலுங்கு போக்கிரி மகேஷ்பாபுவின் புதுப் படம் அதிதி (Athidhi) மெகா ஹிட்டாம். நிச்சயம் புரட்சி இயக்குனர் சந்திரசேகர் அப்படத்தின் ரீமேக்கை வாங்கி விடுவார் என்ற நம்பிக்கையோடு அத்தடுவில் இருந்து சில காட்சிகள்.

அப்பாவி கோயிந்துவின் கொஸ்டின் டைம்

அடுத்த படத்தில் டாக்டர் விஜய்னு போடுவீங்களா?

வாலிட்டெழுதிய நீலக்கடைக்கண்ணில் மீனோ?

2007-11-18T03:37:00.000-08:00

எனக்குள் ஒருவர் திரையில் "தேர் கொண்டு வந்தவன் யாரென்று சொல்லடி தோழி" என்ற பாடலை இளையராஜா இசையில் பி.சுசீலா தனித்துப் பாடியிருப்பார். இந்தப் பாடல் "ஒன்னானு நம்மள்" (1984) திரைப்படத்தில் எஸ்.ஜானகி பின்னணி ஸ்வரம் பாட கே.கே.ஜேசுதாஸ் பாடியிருப்பார். மம்முட்டி, மோகன்லால், சீமா நடித்திருக்கின்றார்கள்.

நண்பர் ஜி.ராகவன் வெகு நாளாகத் தேடிக்கொண்டிருந்த பாட்டு இது. எனக்கும் இந்தப் பாடலைத் தேடிக் கேட்டு ரசிக்க வேண்டும் என்ற தீராக் காதல் இன்று நிறைவேறியிருக்கின்றது. மூலப் பாடலை இதோ ஒலி வடிவில் கேட்டு இன்புறுங்கள். பொதுவாக இளையராஜா தன் டியூனை இன்னொரு மானிலத்துக்கு கொண்டுபோகும் போது சிலவேளை சொதப்பி விடுவார். ஆனால் இங்கே நிலமை மாறியிருக்கின்றது என்பதற்கு இப்பாடல் ஓர் சான்று.

இப்பாடலை அம்ருதா தொலைக்காட்சி, மற்றும் ஏஷியா நெட்டில் பாடல் போட்டிகளில், போட்டிப் பாடகர்களால் பாடிய காணொளி இதோ:

கீரவாணி.....இரவிலே கனவிலே பாட வா நீ

2007-11-16T01:58:00.000-08:00

அலைகள் ஓய்வதில்லையில் ஆரம்பித்து ஓயாது அலையடித்துக் கொண்டிருந்த கார்த்திக் எண்பதுகளில் நடுப்பகுதியில் வாய்ப்பு கொஞ்சம் வற்றி விசு, ராமநாராயணன் வகையறாக்களின் படங்களில் வந்து போனதோடு தெலுங்கிலும் குறிப்பிட்ட சில படங்களில் நடித்தார். அதில் ஒன்று தான் தெலுங்கில் கார்த்திக், பானுபிரியா ஜோடி போட்ட அன்வேஷனா (Anveshana) தெலுங்கின் பிரபல இயக்குனர் வம்சியின் கைவண்ணத்தில் 1985 இல் வந்தது. அது பின்னர் தமிழில் பாடும் பறவைகள் என்ற பெயரில் மொழி மாற்றம் செய்யப்பட்டது. அப்படத்தில் வந்த பாடல்களில் ஒன்றான "கீரவாணி! இரவிலே கனவிலே பாடவா நீ", தமிழிலும் வெகு பிரசித்தம். கீரவாணி ராகத்திலேயே அமைந்த இப்பாடலை ராகதேவன் இளையராஜாவின் இசையில் எஸ்.பி.பாலசுப்ரமணியம், எஸ்.ஜானகி பாடுவதை இன்னும் 20 வருஷம் கழித்தும் அதே இனிய சுகத்தோடு கேட்கலாம்.

இரண்டு மொழிப் பாடல்களும் உங்களுக்காகக் காணொளியாக இதோ.

புகைப்படம் உதவி: வம்சி ரசிகர் தளம்
தெலுங்கு Youtube: suri2k6 & dee4kay
தமிழ் Youtube: unanoche98

பாவனா பேட்டி

2007-11-08T15:34:00.000-08:00

பதிவுலகிலும், படவுலகிலும் தற்போது பரபரப்பாகப் பேசப்படும் நடிகை பாவனாவின் வீடியோ பேட்டி. தமிழ்ப்பித்தனின் புலநாய்வு அறிக்கைக்கு நெத்தியடி

SUNTV Interview Part 1

SUNTV Interview Part 2

SUNTV Interview Part 3

சின்ன மனுஷன் செயலைப் பார்த்து சிரிப்பு வருது!

2007-11-05T18:37:00.000-08:00

சிரிப்பு வருது சிரிப்பு வருது......,
சிரிக்கச் சிரிக்கச் சிரிப்பு வருது,
சின்ன மனுஷன் செயலைப் பார்த்துச் சிரிப்பு வருது ;-)

சங்கத்தில் பாடாத கவிதை - மூன்று வடிவில்

2007-10-31T02:59:00.000-07:00

ஒரே மெட்டு திரையிசையாக தமிழ், தெலுங்கு மலையாளப் பாடல்களாக வந்திருப்பதை அப்பாடல்களோடு இணைத்துத் தருகின்றேன்.

மூன்றாம் பிறை படத்தில் இடம்பெற்ற பின்னணி இசைக்கோர்ப்பு ஒன்றை அப்பட இயக்குனர் பாலுமகேந்திரா, தனது ஓளங்கள் மலையாளப்படத்தின் பாடல் வடிவமாக்கித் தருமாறு இசையமைப்பாளர் இளையராஜாவைக் கேட்கவும் அவர் அப்படியே மலையாளப்பாடலாக்கிக் கொடுத்திருந்தார். பின்னர் அதே மெட்டு பாலுமகேந்திராவின் "நிரீக்சனா" என்ற தெலுங்குப் படப்பாடலாகவும், ஓட்டோ ராஜா தமிழ்த் திரைப்படத்தின் காதல் ஜோடிப் பாடலாகவும் தாவியதை விபரிக்கின்றது இவ் ஒளித்தொகுப்பு.

மலையாள வடிவம் - தும்பி வா

தமிழ் வடிவம் - சஙகத்தில் பாடாத கவிதை

தெலுங்கு வடிவம் - ஆகாசம் ( எஸ்.பி.பாலசுப்ரமணியம் பங்கு பெறும் ஒரு நிகழ்ச்சியில் ஒரு போட்டியாளினி பாடுகின்றார்.

சுகமானி நிலாவு - நம்மள் பாட்டு ஒண்ணு

2007-10-30T03:54:00.000-07:00

மலையாளத்தின் தற்போதய முன்னணி இயக்குனர் கமல் இயக்கத்தில் நம்மள் என்ற திரைப்படம் வந்திருந்தது.
அதில் மோகன் சித்தாராவின் இசையில் விது ப்ரதீப், ஜோற்ஸ்னா பாடிய "சுகமானி நிலாவு" எனக்கு மிகவும் பிடித்த பாட்டுக்களில் ஒன்று. படமும் பார்க்கக் கூடியதே.

அவுஸ்திரேலியத் தேர்தலில் தீவிரவாதம் குறித்த விவாதம்

2007-10-26T03:13:00.000-07:00

அவுஸ்திரேலியாவில் அதிபருக்கான பொதுத்தேர்தல் வரும் நவம்பர் 24 ஆம் திகதி வரவிருக்கும் இவ்வேளை தற்போதைய அதிபர் ஜோன் ஹாவார்ட் சந்திக்கும் முக்கிய சவால்களில் ஒன்றாக, தீவிரவாதத்தில் அமெரிக்க அணிசார் நிலைப்பாடு விளங்குகின்றது. தொழிற்கட்சியின் சார்பில் எதிர்க்கட்சி ஆசனத்தில் இருக்கும் கெவின் ரட் இந்த நிலைப்பாட்டுக்கு எதிராக, மத்திய கிழக்கில் நிலைகொள்ளும் துருப்புக்கள் விலகவேண்டும் என்பதில் கடும் நிலைப்பாட்டோடு இருக்கின்றார். இந்த இருவரும் சந்திக்கும் ஊடக விவாதத்தில் இது குறித்த கருத்துப் பரிமாறல்களை வழங்கிய காணொளித் துண்டைத் தருகின்றேன்.

காணொளி உதவி: Salvatoe
கார்ட்டூன்: cartoonaustralia.com

பாராளுமன்றத்து ஜல்லிக்கட்டு

2007-10-23T04:59:00.000-07:00

உலகின் எல்லா நாட்டுப் பாராளுமன்றத்து உறுப்பினர்களுமே ஒரே தகைமையோடு உலாவருவது குறித்துப் பெருமிதமாக இருக்கின்றது.
சாம்பிளுக்குச் சில:
சிறீலங்கா (சும்மா சொல்லக்கூடாது சிறீலங்கன் சிறீலங்கன் தான் ;)

செச்னியா

ரஷ்யா

தாய்வான்

மாடப்புறாவே வா..! (மலையாள வடிவம்)

2007-10-22T05:00:00.000-07:00

"மாடப்புறாவே வா..ஒரு தூது செல்வோம் வா"
ஒரு காலத்தில் இலங்கை வானொலியில் கலக்கிய பாட்டு இது. தேவராஜன் மாஸ்டர் இசையில் கே.ஜே.ஜேசுதாஸ் பாடி "பருவ மழை" திரைக்காக வெளிவந்தது.
அதன் மூல வடிவம் மலையாளத்தில் "மதனோற்சவம்" திரையில் வந்திருந்தது. அப்பாடல் காட்சியை இங்கே தருகின்றேன்.
Youtube உரிமை: தீபக்மோகன்

காதல் வைத்து காதல் வைத்துக் காத்திருந்தேன்.....!

2007-10-20T05:31:00.001-07:00

இன்றைக்கு இந்தப் பாடலை எத்தனை தடவை கேட்டேன் என்று எனக்கே தெரியாது. காரில் போகும் போதும் வீட்டுக் கணினியிலும் "காதல் வைத்துக் காதல் வைத்துக் காத்திருந்தேன்" மயம் தான். இப்போதெல்லாம் இளையராஜாவின் இசையில் வரும் பாடல்கள் பழைய தெம்பில் வருவதில்லையே என்ற ஏக்கம் அதிகப்படியாக வருவதில்லை. காரணம், யுவன் அந்த இடத்துக்குத் தற்காலிகமாக வந்துவிட்டார்.

தீபாவளி படத்தில் இடம்பெற்ற, யுவன் ஷங்கர் ராஜாவின் இசையில் வரும் இந்தப் பாடலின் ஒளிப்பகிர்வைப் பாருங்கள். காட்சியமைப்பையும் எழிலாக அமைத்திருக்கின்றார் இயக்குனர் எழில். ஸ்பெஷல் போனஸ் நம்ம தலைவி பாவனாவே தோன்றிருப்பது ;-) (youtube பாடல் உதவி:geethams)

Youtube மேற்கண்ட பாடலைத் தேடும் போது தன்னிச்சையாக வந்து விழுந்தது இன்னொரு பொக்கிஷம். சிங்கப்பூர் வசந்தம் சென்றல் தொலைக்காட்சியின் பாடகர் தேர்வு நிகழ்ச்சியின் இறுதிச் சுற்றுக்காக வந்திருந்த நான்கு பாடகர்கள், "காதல் வைத்து காதல் வைத்துக் காத்திருந்தேன்" பாடலைப் பாடும் தொகுப்பைப் பாருங்கள். அருமையிலும் அருமை (youtube பாடல் உதவி:Haresh)

ஸ்ரீ வித்யா நினைவில்: பூங்காவியம் பேசும் ஓவியம்!

2007-10-19T03:47:00.000-07:00

தமிழ் மலையாள மொழிகளில் தன் குறிப்பிடத்தக்க பங்களிப்பை வழங்கிய நடிகை, பாடகி ஸ்ரீ வித்யாவைக் கான்சர் தின்று இன்றோடு ஒரு வருட நினைவில் "கற்பூர முல்லை" திரையில் இருந்து "பூங்காவியம்...பேசும் ஓவியம் என்ற பாடலைத் தருகின்றேன்.

பாசில் "எண்ட சூர்ய புத்ரிக்கு" என்று மலையாளத்தில் முதலில் இயக்கிப் பின்னர் இசைஞானி இளையராஜா தயாரிப்பில் தமிழில் ஸ்ரீ வித்யா, அமலா, ராஜா நடித்து வெளிவந்த திரைப்படமே "கற்பூர முல்லை". பெரும் புகழ்பெற்ற பாடகி எம்.எல்.வசந்தகுமாரியின் மகளாகப் பிறந்து, திரையுகம் புகுந்து வாழ்க்கைச் சுழலில் சிக்கிப் பின் திரைமறைவிலேயே மரணத்தின் பிடியில் அகப்பட்ட இந்த நடிகைக்கு இப்பாடல் சமர்ப்பணம்.

தெலுங்கு இளையராஜா vs ஹிந்தி ஆனந்த் மிலிந்த்

2007-10-18T05:31:00.000-07:00

முன்னர் றேடியோஸ்பதியில் தந்த பதிவில் ஒலியாகக் கேட்ட பாடல்களை இங்கே காட்சியோடு கானம் கலந்து தருகின்றேன். இப்பாடல்களை ஒலிவடிவில் மட்டும் கேட்க

80 களின் இறுதியில் தெலுங்கு தேசத்திலிருந்து ஏராளமான படங்கள் தமிழில் வெளியாகி நன்றாக ஓடி திருட்டு வீ.சி.டிக்கு நிகராக தமிழ்ப் படத்தயாரிப்பாளர்களுக்குத் தலைவலி தந்த காலமது.

விஜயசாந்தியின் "பூவொன்று புயலானது", டாக்டர் ராஜசேகரின் "இதுதாண்டா போலீஸ்", நாகர்ஜூனாவின் " உதயம்", "இதயத்தைத் திருடாதே" என்று தொடர்ந்து
"எங்கடா உங்க எம்.எல்.ஏ", "ஆம்பள", "சத்தியமா நான் காவல்காரன்" என்று தமிழ் ரசிகர்களின் பொறுமைக்குச் சோதனை கொடுத்தது வேறு கதை. ஒன்றில் அதி தீவிர சண்டைக் காட்சிகள், அல்லது இளையராஜாவின் இசை இவை தான் இந்த மொழிமாற்றுப் படங்களின் வெற்றியை அப்போது தீர்மானித்தன.

அந்தவகையில் தமிழ் பேசக்கூடிய தெலுங்கு நடிகர் வெங்கடேஷ் மற்றும் ரேவதி, எஸ்.பி.பாலசுப்ரமணியம் நடித்த, வெங்கடேஷின் அப்பா ராமா நாயுடுவே முதலீடு போட்ட தெலுங்கு திரைப்படமான "பிரேமா" இளையராஜாவின் இசையில் முத்திரை பதித்தது. பின்னர் அது தமிழில் "அன்புச் சின்னம்" என்று மொழிமாற்றப்பட்டும் ஹிந்தியில் "Love" என்று மீள சல்மான் கான், ரேவதி ஜோடியோடு எடுக்கப்பட்டும் வெளியாகின. தமிழ், தெலுங்குக்கு ராஜாவின் இசையே இருந்தது. தெலுங்கில் எஸ்.பி.பி ஐ வைத்து அழகான பாடல்கள் இருக்கும். அதில் "ஈ நாடே" என்ற பாடல் குறிப்பிடத்தக்கது. சித்ராவும் பாலுவும் பாடிய சிறந்த ஜோடிப்பாடல்களில் இதையும் அடித்துச் சொல்லலாம். இந்தப் பாடலைக் காண

ஹிந்தியில் "Love" என்ற பெயரில் வெளியான போது அந்தப்படத்திற்கு இசை ஆனந்த் மிலிந்த். ஆனால் அவருக்குக் கை கொடுத்ததென்னவோ இளையராஜாவே தான். தெலுங்கில் "ஈ நாடே", தமிழில் "ஆத்தாடி ஏதோ ஆசைகள்" இந்த இரண்டு பாட்டின் மெட்டினையும், இசையில் சில சங்கதிகளையும் எடுத்து எஸ்.பி.பி, சித்ரா கூட்டோடு ஒரு மாதிரி ஒப்பேற்றிவிட்டார். ஹிந்தித் தழுவலும் இனிமையாகத் தான் இருக்கின்றது.

ஆகாயப் பந்தலிலே SG A380 பறக்குதம்மா

2007-10-16T05:22:00.000-07:00

சிங்கப்பூர் ஏர்லைன்ஸ் நிறுவனத்தின் புதிய சேவையான ஏர்பஸ் A380 இன் வெள்ளோட்டம் காணுங்கள். இது உலகின் மிகப்பெரியதொரு பயணிகள் விமானமாக, சொகுசு கட்டிலில் படுத்துறங்கவும், களியாட்டத்தோடு வானில் பறக்கவும் வருகின்றது. உலகின் முதல் பயணிகள் சேவையாக A380 ஏர்பஸ் சிங்கப்பூர் ஏர்லைன்ஸ் நிறுவனம் மூலம் வரும் ஒக்டோபர் 25 ஆம் திகதி தன் சேவையை ஆரம்பிக்கின்றது இது.

காணொளி உதவி: SingaporeAirlinesSIN

Singapore Airlines CEO Chew Choon Seng takes the CEOs of Airbus and Rolls Royce on a tour of its first Airbus A380

Singapore Airlines A380 Product Video

இளையராஜா ஆர்மோனியம் இசைத்த பாட்டு

2007-10-13T21:22:00.000-07:00

இளையராஜா தெலுங்கில் இசைமைத்த, மணிரத்னம் இயக்கத்தில் வந்த படம் கீதாஞ்சலி, இது தமிழில் இதயத்தைத் திருடாதே என்று வந்தது. "அதில் சித்ரா பாடும் "ஜல்லண்ட" என்ற பாட்டுக்கு மெட்டுப் போட்டாயிற்று. சித்ராவிற்கும் பாடிக் காட்டியாயிற்று. வாத்தியக்காரர்களை ஒருங்கிணைத்து எப்படியான இசைக் கோர்வை பாட்டில் வரவேண்டும் என்று இளையராஜா எதிர்பார்த்ததையும் வாத்தியக்காரர்களுக்குச் சொல்லியாயிற்று. சரி, இனிப் பாடல் ஒலிப்பதிவுக்கு முன் ஒத்திகை ஆரம்பமாயிற்று.

குறித்த பாடலின் இடையில் வரும் ஆர்மோனிய வாத்திய வாசிப்பை ஆர்மோனியக்காரர் வாசிக்கின்றார். ஆனால் ராஜா மனதில் எதிர்பார்த்தது ஏனோ அதில் மிஸ்ஸிங். மீண்டும் மீண்டும் இளையராஜா, குறித்த வாத்தியக்காரரை அந்த இசையை வாசிக்கச் சொல்லிக் கேட்கின்றார். ம்ஹீம், ராஜா எதிர்பார்த்த அந்தச் சங்கதி வரவேயில்லை.
இளையராஜா ஆர்மோனியத்தை வாங்கிக் கொள்கின்றார். நேராக ஒலிப்பதிவு ஆரம்பம். சித்ரா பாடுகின்றார். மற்றைய வாத்தியங்கள் சங்கமிக்க, இளையராஜாவே நேரடியாக ஆர்மோனியத்தை வாசிக்க, அவர் எதிர்பார்த்த அந்தச் சங்கதியே ராஜாவின் வாசிப்பில் பாடலாக ஒலிப்பதிவு செய்யப்படுகின்றது. இந்தப் பாட்டினை அணு அணுவாக ரசிப்பவர்களுக்கு உண்மையில் ராஜா வேண்டிக் கேட்ட அந்த அற்புத ஆர்மோனிய வாசிப்பின் தாற்பர்யம் புரியும். வளைந்து நெளிந்து குழைந்து என்னமாய் பிரவாகிக்கின்றது இந்த இசை.

இதே திரைப்படத்தில் வந்த "ஓ ப்ரியா ப்ரியா" தெலுங்கு வடிவம். பாட்டும் அழகு, காட்சியும் அழகு. தெலுங்கில் எஸ்.பி.பாலசுப்ரமணியம் பாடிய பாடல்களைத் தமிழ் வடிவத்தில் மனோ பாடியிருப்பார்.

ஓ பாப்பா லாலி

ஆத்துமேட்டுல ஒரு பாட்டு கேட்குது...!

2007-10-12T19:37:00.000-07:00

ஒரு நல்ல பாட்டை எப்படியெல்லாம் காட்சியில் எடுத்துக் கெடுக்கமுடியும் என்பதற்கு உதாரணமாக ஒரு பாடலை இங்கு தருகின்றேன். கிராமத்து அத்தியாயம் திரையில் இருந்து கங்கை அமரன் வரிகளில், மலேசியா வாசுதேவன், எஸ்.ஜானகி பாடும் "ஆத்து மேட்டுல ஒரு பாட்டு கேட்குது" என்ற இனிய பாடல் எப்படிச் சுரத்தே இல்லாமல் எடுக்கப்பட்டிருக்கின்றது என்பதைப் பாருங்கள். இசைஞானி இளையராஜாவின் ஆரம்பகாலப் பாடல்களை உரியமுறையில் காட்சிப்படுத்தலில் கொண்டுவராமல் சதி செய்த இப்படியான இயக்குனர்கள் பலர் இருக்கின்றார்கள். நாயகனும் சரி நாயகியும் சரி ஒரு ஜீவனும் இல்லாமல் வந்து போகிறார்கள். இவர்களை இளையராஜா ஆண்டவர் மன்னிப்பாராக.

எலோ டைரக்டரு ! தமிழ் நாட்டுல இதை விட நல்ல ஒரு ஆத்துமேடும் உம்ம கண்ணில் படலியா?

மலையாளம் தரும் "காற்றுவெளியிடைக் கண்ணம்மா"

2007-10-08T03:53:00.000-07:00

சில பாடல்களை ஒலிவழியாகக் கேட்டுக் கொண்டே கண்களை மூடிக்கொண்டே ஆனந்த சயனத்தில் இருந்தால் எங்கோ ஒரு காற்று வெளியிடை கொண்டு போகும் வல்லமை கொண்டிருக்கும். இங்கே நான் தரும் பாடலும் அவ்வாறானதொன்றே. ஆனால் பாடலின் இனிமை இம்மியளவும் பிசகாது காட்சிக்குள்ளும் அடங்கியிருப்பதனால் இவ் ஒளி வழிப்பாடலைப் பார்ப்பதிலும் இரட்டிப்பு சுகம்.

"காற்று வெளியிடை கண்ணம்மா" என்று சங்கீதம் சொல்லித் தரும் மோகன்லாலில் ஆரம்பித்து அழகாக விரியும் காட்சிகளை நீங்களும் பார்த்து ரசியுங்கள். இப்பாடல் தன்மத்ரா திரையில் இருந்து மோகன் சித்தாரா இசையில் ஷீலா மணி, விது பிரதாப், உன்னிகிருஷணன் பாடக் கேட்கலாம்.
பாடல் உதவி: யூரிப் வழி tmsfreebird

வயிறு குலுங்கச் சிரிக்க வைத்த "பாண்டிப்படை"

2007-10-03T01:30:00.000-07:00

நீண்ட நாளைக்குப் பின்பு மனம் விட்டுப் படம் முடியும் வரைக்கும் சிரித்து, இன்னும் நினைத்துச் சிரிக்க வைத்த படமொன்றை நேற்றுப் பார்த்தேன். "பாண்டிப் படா" (பான்டிப் படை) என்ற அந்த மலையாளப் படத்தில் திலீப், பிரகாஷ் ராஜ், நவ்யா நாயர் என்று ஏகத்துக்கும் பிரபலங்கள் பங்கு போட்டு நடித்த படம்.

"கில்லி" படத்தில் பிரகாஷ் ராஜ் ஏற்றிருந்த முத்துப்பாண்டி என்ற வில்லன் பாத்திரத்தை இன்னொரு களத்தில் நகைச்சுவையாகப் பயன்படுத்தினால் எப்படியிருக்கும்? அது தான் இப்படத்தின் ஒரு வரிக் கரு. ஆனால் படம் ஆரம்பித்ததிலிருந்து முடியும் வரை காட்சிக்குக் காட்சி வயிறு குலுங்கச் சிரிக்க வைத்துச் சேட்டன்கள் ஒரு வழி பண்ணிவிட்டார்கள்.

படத்தின் கதைக்களமே தமிழ்நாட்டின் "கருவேலக்காடு" என்ற ஒரு கிராமம் என்பதால் தமிழும் மலையாளமும் கலந்த கலவையாகத் தான் படம் முழுதுமே எடுக்கப்பட்டிருக்கின்றது.

"தென்காசிப் பட்டணம்" படத்தின் இயக்குனர் ரபி மெகர்தீன் இயக்கியிருக்கிறார். இசை சுரேஷ் பீட்டர்ஸ்.

இப்படத்தில் இடம்பெற்ற சில காட்சிகளைப் பார்த்து அனுபவியுங்கள்.

மணிச்சித்ரதாளு -> ஆப்த மித்ரா -> சந்திரமுகி

2007-09-28T04:20:00.000-07:00

மலையாளப் படங்கள் பார்க்க ஆரம்பிப்பதற்கு எனக்கு பிள்ளையார் சுழி போட்டுக் கொடுத்த படம் "மணிச்சித்ர தாளு". மதுமுட்டம் எழுத பாசிலின் இயக்கத்தில் மோகன்லால், சுரேஷ்கோபி, ஷோபனா தோன்றி நடித்த அப்படம் 1993 இல் வெளியாகி ஷோபனாவுக்கு சிறந்த நடிகைக்கான தேசிய விருதைக் கொடுத்த படம். இன்று வரை எனக்கு மணிச்சித்ரதாளு வோடு சந்திரமுகியை ஒப்பிடமுடியவில்லை.

மணிச்சித்ரதாளுவின் பாடல்கள் எல்லாமே பிரமாதம். ஜேசுதாசுக்கு கூட விருதைக் கொடுத்திருந்த அப்பாடல்களின் இசை எம்.ஜி.ராதாகிருஷ்ணன்.

இப்படம் கன்னடத்துக்குத் தாவிய போது விஷ்ணுவர்த்தன், ரமேஷ் அர்விந்த், ஷோபனா நடிப்பில் பி.வாசு இயக்கத்தில் "ஆப்தமித்ரா" என்று வெளியாகி கன்னா பின்னாவென்று ஓடியதைப் பார்த்து குமாரசாமி கெளடாவே பயந்திருப்பார். கன்னடத்தில் இசை குரு கிரண்.

பின்னர் தமிழுக்கும் தெலுங்குக்கும் இப்படம் தாவியபோது வித்யாசாகர் "ரா ராவை" மட்டும் குருகிரணிடம் பங்கு போட்டுக் கொண்டார்.

இந்தப் படங்களின் பாடல்களை ஒரே நேரத்தில் காணொளியாகத் தரவேண்டும் என்று நான் நினைத்திருந்தேன். என் எண்ணவோட்டத்தை ஒத்து என் றேடியோஸ்பதி வலைப்பதிவில் ஐயப்பன் கிருஷ்ணன் என்ற பதிவர் மணிச்சித்ர தாளுவில் இருந்து "ஒருமுறை வந்து பார்ப்பாயா" பாட்டைக் கேட்டிருந்தார். இதை அனுபவியுங்கள் ;))

மலையாளத்தில் வந்த "மணிச்சித்ர தாளு", "ஒரு முறை வந்து பார்ப்பாயா" என்று பாடும் காட்சி

கன்னடத்தில் வந்த " ஆப்த மித்ரா" தெலுங்குப் பாட்டுக்கு ஆடிப் பாடும் காட்சி

தமிழில் வந்த "சந்திரமுகி" தெலுங்குப் பாட்டு்க்கு ஆடிப் பாடும் காட்சி

தெலுங்கில் மொழி மாற்றம் செய்த "சந்திரமுகி" தமிழ் பேயாட்டம் ஆடும் காட்சி

BHOOL BHULAIYA என்ற பெயரில் ப்ரீதம் இசையில் ஹிந்தி பேசப் போகும் இப்படத்தின் ட்ரெய்லர்

நடிகர் விஜயனுக்காக

2007-09-26T03:02:00.001-07:00

திரையுலகில் மளமளவென்று சிலருக்கு வாய்ப்புக்கள் வந்து கொட்டும். அதுவும் கிடைத்த வாய்ப்புக்கள் எல்லாமே குறிப்பிடத்தக்க, சொல்லிக் கொள்ளத் தக்கதாக வந்தது நடிகர் விஜயனுக்கு. ஆனால் அதை அனுபவிக்கத்தான், அவருடைய குறுகியகாலச் சந்தோஷங்கள் இடங் கொடுக்கவில்லை. சில ஆண்டுகளுக்கு முன் அவர் தமிழ் சினிமாவுலகில் மீளக் கால் பதித்தபோது ஒரு வாரப் பத்திரிகைக்காகத் தன்னையே நொந்து கொண்டு நடிகர் விஜயன் கொடுத்த பேட்டி இப்போது நினைவுக்கு வருகின்றது. தொடர்ந்து வருடா வருடம் படங்களில் நடித்துக் குவித்தவர், ஒரு கட்டத்தில் ஒன்றுமே இல்லாமலும் இருந்து மீண்டு(ம்) வந்தார்.

உதிரிப்பூக்கள், நிறம் மாறாத பூக்கள், தனி மரம், விடுகதை ஒரு தொடர்கதை, பசி என்று அவருக்குத் தனி முத்திரை கொடுத்த படங்களின் பட்டியல் நீளும். மலையாளத் திரையுலகில் கூட அவருக்கென்று ஒரு இடமுண்டு. இவர் நடிகராக மட்டுமன்றி திரைக் கதாசிரியராகவும் இருந்திருக்கின்றார்.
அண்மையில் மறைந்த விஜயன் நினைவாக "நிறம் மாறாத பூக்கள்" திரையில் இருந்து "ஆயிரம் மலர்களே மலருங்கள்"

பாடல் உதவி: யூ ரியூப் வழி ரெக் சதீஷ்

வீடியோஸ்பதி

ஆயில்ஸ் வாழணும் நூறு ஆயுள்ஸ்

எஸ்.எஸ்.சந்திரன் மறைவில்

சாதித்துக் காட்டி நெகிழ வைத்த அபிநயா

அன்று கேட்டவை இன்று புத்தம் புதிதாய்

மண மேடையில் .:: மை பிரண்ட்::.

2009 சிறந்த மலையாள கானங்கள்

ஆயில்யன் - 1980

"மதுரை to தேனி வழி ஆண்டிப்பட்டி" சுகமான பயணம்

கொஞ்சம் இஷ்டம் கொஞ்சம் கஷ்டம்

"காற்றில் எந்தன் கீதம்" ஒரு சிலாகிப்பு

And, Now...

கலாட்டா கல்யாணம் ;-)))

நான் ரசித்த மலையாள மென் மெட்டுக்கள்

எந்து பறஞ்சாலும் நீ எந்தேதல்லே வாவே....!

அனியத்தி பிறாவு VS காதலுக்கு மரியாதை BGM ஒப்பீடு

54 ஆவது பிலிம்பேர் (ஹிந்தி) பார்த்ததும் பாதித்ததும்

மொழி தாவிய திரை மெட்டுக்கள் - பாகம் 3

இலங்கை அரச பயங்கரவாதம் குறித்து பாடகி மாயா பேசுகிறார்

ஏ.ஆர். ரஹ்மான் பெறும் Golden Globe Award 2009

ஆயில்ஸ் வாழணும் நூறு ஆயுள்ஸ்

மலையாளக் கரையோரம் "என் வீட்டுத் தோட்டத்தில்"

திரைக்கலைஞர் B.R சோப்ரா நினைவாக

தியாகத்தின் எல்லையை மீறிய பிள்ளை

மொழி தாவிய மெட்டுக்கள் "சங்கத்தில் பாடாத கவிதை"

மங்களூர் சிவாவுக்கும் ஜெர்மன் பூங்கொடிக்கும்

"பூங்காற்று புதிதானது" கமலுக்கு ஹிந்தி ரஜினிக்கு தமிழ்

"கே.ஆர்.எஸ் சிறப்பு" கண்ணன் பாட்டுக்கள்

சுப்ரமணியபுரம் நாயகி வந்த கதை

பிடித்த ரஜினி பத்து...!

.:: மை ஃபிரண்ட் ::. இன் ஹாப்பி டே இன்று ;-)

காலம் மறக்காத Bobby பாடல்

நெல்சன் மண்டேலா - 90

சுப்ரமணியபுரம் - விளம்பரப் பாடல்

இசையமைப்பாளர் எஸ்.பி.பாலசுப்ரமணியம்

இசையமைப்பாளர் ரவீந்திரன்

மலையாளம் பறயும் கமல்ஹாசன்

மீரா நந்தன் வருகவே :-(::)

தசாவதாரம் நானும் பார்த்தேன்

கமல் ஹாஸ்யம் 10

எனக்குப் பிடித்த 10 கமல்(கள்)

பச்சப்பனம் தத்தே பொன்னாரப்பூ முத்தே...!

திரைக்கலைஞர் ஜான் அமிர்தராஜ் நினைவாக...!

குத்தாட்டம் போடும் கொரியக் குழந்தை

"ஆரேரே ஆரேரே" - Happy Days பாட்டு

மலையாளத்தின் திரையிசை விருதுகள் 2007

இளைய நிலா மெட்டு ஹிந்தியில் இத்தனை பாட்டு

மொழி தாவிய இசை மெட்டுக்கள் - பாகம் 2

மொழி தாவிய திரை மெட்டுக்கள்

பார்வதி பாடும் "ஆசை அதிகம் வச்சு"

சிங்கத்தை விரட்டிய வேட்டையன் கவுண்டமணி

"தீபிகா படுகோன்"

மனோரமாவிற்காக கமல் பாடிய பாடல்

மலையாள நடிகர் பரத்கோபி நினைவாக..!

ஹீரோ - வில்லன்...ம்....குட் காம்பினேசன்

Britney Spears தோன்றும் மலையாளப் பாடல்

நடிகர் பாண்டியனுக்காக...

என்ன கொடுமை இது அம்பயர்?

Happy New Year வந்ததே....!

அண்ணன் மேர்வின் சில்வாவை ஆறுதல் படுத்த

என் பார்வையில் ==> *** Taare Zameen Par***

2007 இல் நான் ரசித்த ஹிந்திப்படம் =>Heyy Babyy

Aap Jaisa Koi - ஆஹா எத்தனை வடிவமடா?

பார்த்தேன் சிரித்தேன் - தமிழும் தெலுங்கும்

"இதழில் கதை எழுதும் நேரமிது" - ஜேசுதாஸ் to எஸ்.பி.பாலா

நடிகர் விஜய் சுடப்போகும் அடுத்த படம் :)

வாலிட்டெழுதிய நீலக்கடைக்கண்ணில் மீனோ?

கீரவாணி.....இரவிலே கனவிலே பாட வா நீ

பாவனா பேட்டி

சின்ன மனுஷன் செயலைப் பார்த்து சிரிப்பு வருது!

சங்கத்தில் பாடாத கவிதை - மூன்று வடிவில்

சுகமானி நிலாவு - நம்மள் பாட்டு ஒண்ணு

அவுஸ்திரேலியத் தேர்தலில் தீவிரவாதம் குறித்த விவாதம்

பாராளுமன்றத்து ஜல்லிக்கட்டு

மாடப்புறாவே வா..! (மலையாள வடிவம்)

காதல் வைத்து காதல் வைத்துக் காத்திருந்தேன்.....!

ஸ்ரீ வித்யா நினைவில்: பூங்காவியம் பேசும் ஓவியம்!

தெலுங்கு இளையராஜா vs ஹிந்தி ஆனந்த் மிலிந்த்

ஆகாயப் பந்தலிலே SG A380 பறக்குதம்மா

இளையராஜா ஆர்மோனியம் இசைத்த பாட்டு

என் பார்வையில் ==> * Taare Zameen Par*